Popular Bible Verses from Ecclesiastes 7

Share

Ayaw dayon kasuko, kay ang kasuko kinaiya sa mga tawong buang-buang.

Kon maayo ang imong kahimtang, paglipay. Apan kon anaa ka sa kalisod, pamalandong. Hinumdomi nga ang Dios ang naghatag sa maayo nga kahimtang ug sa kalisod. Busa dili gayod kita masayod kon unsa ang mahitabo sa umaabot.

Mas maayo pa ang kataposan sa usa ka butang kaysa sinugdanan niini. Ang pagpailob mas maayo pa kaysa pagpasigarbo.

Wala gayoy tawong matarong dinhi sa kalibotan nga dili makasala ug kanunayng maayo ang binuhatan.

ug makahatag kini kanilag kasigurohan sama sa kuwarta. Busa makatabang gayod ang kaalam; makatipig kini sa kinabuhi sa tawo nga nakaangkon niini.

Maingon nga ang maayong reputasyon mas maayo kaysa mahalong pahumot, ang adlaw sa pagkamatay mas maayo kaysa adlaw sa pagkahimugso.

Mas maayo pa nga mamati ka sa pagbadlong sa tawong maalamon kaysa mamati sa pagdayeg sa tawong buang-buang.

Mas maayo pa nga moadto sa balay nga adunay nagbangotan kaysa moadto sa balay nga adunay kombira, kay ang tanan mamatay man, busa kinahanglan hatagan kinig pagtagad sa matag-usa.

Ang tawong maalamon naghuna-huna kanunay bahin sa kamatayon, apan ang tawong buang-buang naghuna-huna bahin sa kalingawan.