Popular Bible Verses from Deuteronomio 4

Share

Apan kon mangita kamo didto sa GINOO nga inyong Dios, makita ninyo siya kon pangitaon ninyo sa kinasing-kasing gayod.

Kay maluloy-on ang GINOO nga inyong Dios; dili niya kamo pasagdan o laglagon, ni kalimtan ang kasabotan nga iyang gipanumpa sa inyong mga katigulangan.

Kay ang GINOO nga inyong Dios sama sa kalayo nga makaugdaw. Dios siya nga igihan ug dili siya gusto nga aduna kamoy simbahon nga lain nga dios.

Apan pagbantay gayod kamo! Ayaw ninyo kalimti ang mga butang nga inyong nakita nga gipanghimo sa GINOO. Kinahanglan nga magpabilin kini sa inyong mga kasing-kasing samtang buhi pa kamo. Isugilon ninyo kini sa inyong mga kaanakan ug mga kaapohan.

Busa timan-i ninyo karong adlawa ug itanom sa inyong kasing-kasing, nga ang GINOO mao ang Dios sa langit ug sa yuta, ug wala nay lain pang dios.

Wala nay laing gamhanan nga nasod nga adunay dios nga duol kanila sama sa GINOO nga atong Dios nga duol kanato sa panahon nga motawag kita kaniya.

Kon moabot kaninyo kini nga kalisdanan sa kaulahian, mobalik kamo sa GINOO nga inyong Dios ug motuman kaniya.

Ayaw ninyo dugangi o kulangi ang mga sugo nga gihatag ko kaninyo, nga gikan sa GINOO nga inyong Dios. Kinahanglang tumanon gayod ninyo kini.