Popular Bible Verses from Deuteronomio 28

Share

“Kon tumanon ninyo sa hingpit ang GINOO nga inyong Dios ug sundon ang tanan niyang mga sugo nga ginahatag ko kaninyo karong adlawa, himuon niya kamong labaw sa tanang nasod dinhi sa kalibotan.

Kon tumanon ninyo ang GINOO nga inyong Dios mainyo kining tanang mga panalangin

Himuon kamo sa GINOO nga pangulo sa mga nasod, ug dili sumusunod lang. Kanunay kamong magmauswagon ug magmalampuson kon tumanon ug sundon ninyo pag-ayo ang mga sugo sa GINOO nga inyong Dios nga ginahatag ko kaninyo karong adlawa.

“Padad-an kamo sa GINOO ug ulan sa hustong panahon gikan sa tipiganan sa iyang bahandi sa langit, ug panalanginan niya ang tanan ninyong pagabuhaton. Magpahulam kamo sa daghang nasod, apan kamo dili manghulam.

“Ipapildi sa GINOO kaninyo ang mga kaaway nga mosulong kaninyo. Mag-usa silang mosulong kaninyo apan magkatibulaag sila nga moikyas gikan kaninyo.

“Panalanginan sa GINOO nga inyong Dios ang tanan ninyong pagabuhaton ug pun-on niya sa mga abot ang inyong mga bodega. Panalanginan niya kamo sa yuta nga ihatag niya kaninyo.

“Panalanginan niya ang tanan ninyong pagabuhaton.

“Panalanginan niya ang inyong lungsod ug ang inyong uma.

“Panalanginan niya kamo sa daghang kabataan, abunda nga abot, ug daghang kahayopan.

“Sumala sa gisaad kaninyo sa GINOO nga inyong Dios, himuon niya kamo nga iyang pinili nga katawhan, kon tumanon ninyo ang iyang mga sugo ug magkinabuhi subay sa iyang mga pamaagi.

“Panalanginan niya ang inyong abot ug pagkaon.

Panalanginan gayod kamo sa GINOO didto sa yuta nga iyang gisaad sa inyong mga katigulangan nga ihatag kaninyo. Padaghanon niya ang inyong mga anak, ang inyong mga kahayopan, ug ang inyong mga abot.

Unya ang tanang katawhan sa kalibotan makahibalo nga gipili kamo sa GINOO, ug mahadlok sila kaninyo.

Busa dili ninyo lapason ang bisan unsa nga ginasugo ko kaninyo karon, ug dili kamo magsunod sa uban nga mga dios ug mag-alagad kanila.

“Apan kon dili kamo motuman sa GINOO nga inyong Dios ug dili ninyo sundon ang tanan niyang mga pamalaod ug mga sugo nga ginahatag ko kaninyo karong adlawa, mahiagoman ninyo kining tanan nga panghimaraot