Popular Bible Verses from 1 Cronicas 16

Share

Salig kamo sa GINOO ug sa iyang kusog. Dangop kamo kanunay kaniya.

Pasalamati ang GINOO kay maayo siya; ang iyang gugma walay kataposan.

Pasalamati ninyo ang GINOO; simbaha ninyo siya! Isugilon ngadto sa mga katawhan ang iyang mga binuhatan.

Dayega ninyo ang iyang pagkabalaan. Paglipay kamong mga nagdangop sa GINOO.

Kamong mga pinili sa Dios, nga mga kaliwat ni Israel nga mao usab si Jacob nga alagad sa Dios, hinumdomi ninyo ang iyang katingalahang mga buhat, ang iyang mga milagro, ug ang iyang mga paghukom.

Awiti ninyo siya ug mga pagdayeg; isugilon ang tanang katingalahan niyang mga buhat.

Kay gamhanan ang GINOO, ug angay gayod nga dayegon. Takos siya nga tahoron labaw sa tanang dios

Ihatag ngadto sa GINOO ang pasidungog nga angay kaniya. Pagdala kamo ug halad sa iyang presensya. Simbaha ninyo siya sa iyang balaang presensya.

Anaa kaniya ang pagkagamhanan ug pagkahalangdon; ang kusog ug kalipay anaa sa iyang puloy-anan.

Kamong mga katawhan sa tibuok kalibotan, pag-awit kamo sa GINOO. Isugilon ninyo adlaw-adlaw nga giluwas kita niya.

Ipahibalo ninyo sa tanang katawhan sa mga nasod ang iyang pagkagamhanan ug ang iyang katingalahang mga buhat.

“Ayaw ninyo hilabti ang akong piniling mga alagad; ayaw ninyo pasipad-i ang akong mga propeta.”

kay ang tanang dios sa ubang mga nasod mga dios-dios lang, apan ang GINOO mao ang naghimo sa kalangitan.

Ginahinumdoman niya kanunay ang iyang kasabotan. Dili gayod niya pagkalimtan ang iyang mga saad hangtod sa kahangtoran.

Maglipay ang kalangitan ug ang kalibotan. Moingon sila sa kanasoran, “Naghari ang GINOO.”

Dalaygon ang GINOO, nga Dios sa Israel, sa walay kataposan. Unya mitubag ang tanang katawhan, “Amen.” Ug midayeg sila sa GINOO.

Dayega ninyo ang GINOO, kamong mga katawhan sa mga nasod. Dayega ninyo ang iyang gahom ug kusog.