Popular Bible Verses from Daniêl 2

Share

“Bơni hơơč kơ anăn Ơi Adai nanao hlŏng lar, yuakơ tơlơi rơgơi laih anŭn tơlơi dưi kơtang jing mơ̆ng Ñu yơh. Ñu pơplih khul hrơi mông laih anŭn khul bơyan; Ñu pŭ̱ đĭ ƀing pơtao laih anŭn pơglưh hĭ ƀing pơtao. Ñu brơi tơlơi rơgơi kơ ƀing thâo pơmĭn laih anŭn tơlơi thâo hluh kơ ƀing thâo rơđah. Ñu pơrơđah brơi hơdôm tơlơi dơlăm hơgŏm; Ñu thâo hơget tơlơi dŏ amăng tơlơi kơnăm mơmŏt, laih anŭn tơlơi bơngač dŏ hrŏm hăng Ñu yơh.

Daniêl laĭ glaĭ tui anai, “Ơ pơtao prŏng ăh, ƀu hơmâo pô rơgơi, pô pơjâo pơhưč, pô pơsêh ƀôdah pô tơña hơduah mơ̆ng yang pă ôh dưi pŏk pơblang brơi kơ pơtao tơlơi hơgŏm ih hơmâo tơña anŭn, samơ̆ kơnơ̆ng hơmâo sa Ơi Adai amăng adai adih đôč yơh jing Pô dưi pơrơđah brơi khul tơlơi hơgŏm anai. Ñu hơmâo pơrơđah laih kơ ih, Ơ pơtao ăh, hơdôm tơlơi či truh amăng rơnŭk pơanăp. Tơlơi rơpơi hăng khul tơlơi pơƀuh ih hơmâo laih amăng tơlơi pơmĭn ih tơdang ih đih pĭt jing hơdôm tơlơi tui anai yơh

“Amăng rơnŭk ƀing pơtao anŭn, Ơi Adai pơ adai adih či rŭ̱ pơdơ̆ng đĭ sa boh dêh čar ƀu či răm rai hĭ ôh laih anŭn kŏn či lui raih hĭ lơi kơ ƀing mơnuih pơkŏn git gai dêh čar anŭn. Dêh čar anŭn či pơrai pơsăn hĭ abih bang dêh čar pơkŏn hăng pơđŭt hĭ abih yơh, samơ̆ dêh čar anŭn ăt či dŏ dơnơ̆ng hlŏng lar yơh.