Popular Bible Verses from Daniêl 12

Share

Laih anŭn, ƀing hlơi pô rơgơi či pơčrang bơngač hrup hăng tơlơi bơngač adai, laih anŭn hlơi pô dui ba lu mơnuih nao pơ tơlơi tơpă hơnơ̆ng či jing bơngač hrup hăng khul pơtŭ hlŏng lar yơh.

Abih bang ƀing mơnuih, jing ƀing pĭt laih amăng lŏn tơnah, či mơdưh yơh: Đơđa amăng ƀing gơñu nao pơ tơlơi hơdip hlŏng lar, samơ̆ đơđa ƀing dŏ glaĭ nao pơ tơlơi mlâo djik djak hlŏng lar yơh.

Pô ling jang buh ao blâo ƀlĭ kô̱̆ anŭn laĭ dơ̆ng tui anai, “Ƀơi mông anŭn, khua prŏng Mikhaêl, jing pô pơgang brơi kơ ƀing ană plei ih, či tơgŭ yơh. Či hơmâo sa rơnŭk tơnap rŭng aka ƀu hơmâo djơ̆ hlâo tơdơi ôh hrup hăng anŭn čơdơ̆ng mơ̆ng hơmâo rai ƀing kơnung djuai mơnuih hlŏng truh kơ rơnŭk anŭn. Samơ̆ ƀơi rơnŭk anŭn, ƀing ană plei ih, jing rĭm čô ƀing hơmâo laih anăn amăng hră Ơi Adai, či klaih hĭ yơh.

Lu mơnuih či tŭ tơlơi pơrơgoh, tơlơi pơjing ƀu hơmâo nam rơka laih anŭn tơlơi pơphrâo glaĭ, samơ̆ ƀing sat ƀai ăt či dŏ ngă ƀai nanao yơh. Ƀu hơmâo hlơi pô ôh amăng ƀing sat ƀai či dưi thâo hluh, samơ̆ ƀing hlơi pô rơgơi či thâo hluh yơh.