Popular Bible Verses from Taruxui 2

Share

Piyɛri naxa a fala e bɛ, «Wo xa tuubi, wo birin xa wo xunxa ye xɔɔra Isa xili ra, Ala xa Mixi Sugandixi, alako wo xa yunubie xa xafari, wo man xa Ala Xaxili Sɛniyɛnxi sɔtɔ.

E nu e tunnabɛxima xɛɛrae xa xaranyi ma. E naxa lu ngaxakerenya kui. E man naxa e tunnabɛxi taami itaxunfe nun Ala maxandife ma.

Ala Xaxili Sɛniyɛnxi naxa goro fɔxirabirɛe birin ma, e naxa so xui gbɛtɛe falafe Ala Xaxili Sɛniyɛnxi saabui ra.

Xui nde naxa mini koore ma keren na alɔ foye xungbe xui. A naxa banxi kui birin nafe e nu dɔxɔxi dɛnnaxɛ. E naxa se ndee to naxee maniya nɛnyie ra, tɛ na e ma. Na see naxa itaxun, keren keren naxa dɔxɔ kankan xunyi ma. Ala Xaxili Sɛniyɛnxi naxa goro fɔxirabirɛe birin ma, e naxa so xui gbɛtɛe falafe Ala Xaxili Sɛniyɛnxi saabui ra.

Lɔxɔ yo lɔxɔ e nu e malanma hɔrɔmɔbanxi kui, e nu donse don e xɔnyi sɛɛwɛ nun bɔɲɛsa kui. E nu Ala matɔxɔma. E naxa rafan birin ma. Lɔxɔ yo lɔxɔ Marigi nu nde sama danxaniyatɔɛ ɲama kɔnti xun ma.

‹Ala naxɛ, n fama n Xaxili taxunde mixi birin na lɔxɔɛ dɔnxɔɛe. Wo xa di xɛmɛe nun wo xa di ginɛe wɔyɛnma nɛ n tan Ala xili ra. Wo xa sɛgɛtalae to tima nɛ fee ra, wo xa forie fan xiyee sa.

Danxaniyatɔɛe birin nu malanxi yire keren. Xa mixi keren se sɔtɔ, na bara findi e birin gbe ra. E e xa see matima, e nu e harige itaxun e bore ma, kankan nu a hayi fan na kui.

Mixi yo naxan Marigi xili maxandima, na kanyi kisima nɛ.›»

Soge dimima nɛ, kike gbeelima nɛ alɔ wuli beenun Marigi xa lɔxɔɛ xa a li, na dariyɛ lɔxɔɛ xungbe.