Popular Bible Verses from Mga Talinhaga 19

Share

Kadakul kan mga plano nin sarong tawo, alagad an kabotan nin KAGURANGNAN an magdadanay.

Kun magtabang ka sa dukha, garo ka nagpapautang sa KAGURANGNAN, asin an KAGURANGNAN an mabayad saimo.

An marahay na pag-isip nin tawo iyo an minapugol kan saiyang kaanggotan; kamurawayan niya an magpasensya sa mga karatan na ginibo saiya.

Hinanyogon mo an hatol asin akoon mo an katukdoan tanganing magkaigwa ka nin kadonongan sa maabot na panahon.

Matakot ka sa KAGURANGNAN asin mabubuhay ka sa halawig na panahon, na pano nin kapahingaloan saka ligtas sa kapahamakan.

An naghihingowang magin madonong, namomoot sa saiyang sadiri; an nagpapahalaga sa saiyang nanodan, magigin mauswag.

Disiplinahon mo an saimong aki mantang igwa pa nin panahon. Kun dai mo iyan gibohon, ika an nagtatabang saiya sa pagraot kan saiyang sadiri.

An putikon na saksi papadusahan asin an nagpuputik mapapahamak.