Popular Bible Verses from Mga Talinhaga 11

Share

Magmatinao ka, asin mauswag ka. Tabangan mo an iba, asin tatabangan ka man.

May mga tawo na matinao, alagad orog na nagyayaman. An iba maimot nin marahay, alagad orog na nagigin dukha.

Kun minaabot an kapaabaw-abawan, minaabot man an kasosopgan; an kadonongan yaon sa mapakumbaba.

Marurumpag an sarong nasyon kun mayo nin pagsusundon. An dakul na parahatol nangangahulogan nin katiwasayan.

Buhay an itinatao kan katanosan, alagad kagadanan an dara kan kadahasan.

Mayo nin sekreto na dai ibinubuyagyag kan matabil, alagad maski an sadit na bagay itinatago kan mapapaniwalaan.

An tawong maboot napapakarahay, alagad an makuri nagraraot kan sadiri niyang buhay.

An nananarig sa saiyang kayamanan mararakdag arog sa alang na dahon, alagad mag-uuswag an matanos arog sa berdeng tinanom.

Sa aldaw nin kagadanan mayo nin pakinabang an kayamanan, alagad an katanosan iyo an maligtas kan saimong buhay.

An pagigin onesto an giya kan matanos, alagad an madaya mararaot kan sadiri nindang kabikoan.

An gayon kan babaeng mayo nin marahay na isip nakakaarog sa bulawan na singsing sa dungo kan orig.

Ikinakauyam nin KAGURANGNAN an timbangan na may daya. Naoogma siya sa timbangan na tama.