Popular Bible Verses from Mga Bilang 14

Share

Dai kamo magtumang sa KAGURANGNAN. Dai man kamo matakot sa mga nag-eerok duman huli ta madali ta sindang madaog. Kaiba ta an KAGURANGNAN asin nadaog na niya an mga dios-dios na nagsusurog sainda; kaya dai kamo matakot.”

‘Ako, an KAGURANGNAN, dai tolos naaanggot saka dakula sa pagkamoot, nagpapatawad kan kasalan patin kasombikalan. Alagad papadusahan ko an mga aki asin makoapo sagkod sa ikatolo patin ikaapat na henerasyon huli kan mga kasalan kan saindang mga magurang.’

Kun nawiwili sato an KAGURANGNAN dadarahon niya kita duman asin itatao niya sato an daga na mayaman sa gabos na bagay.

Alagad nalalaen sainda an sorogoon kong si Caleb; nagin maimbod siya sako. Huli kaini, dadarahon ko siya sa dagang siniyasat niya asin masasadirihan iyan kan saiyang mga kapagarakian.

Kaya sabihan mo sinda, ‘Minasumpa ako siring na ako buhay, na gigibohon ko an hinahagad nindo.

Tinaraman nin KAGURANGNAN si Moises, “Sagkod nuarin ako isisikwal kan mga tawong ini? Sagkod nuarin sinda dai matubod sako minsan pinahilingan ko na sinda nin mga milagro?

Nagreklamo sinda ki Moises asin ki Aaron; olay ninda, “Marahay pang nagadan na kami duman sa Egipto o minsan digdi sa kalangtadan!

Huli sa kamondoan, ginisi ni Josue na aki ni Nun asin ni Caleb na aki ni Jefunne an saindang mga gubing. An duwang espiyang ini, na kaibahan kan mga nagsiyasat kan daga, nagsabi sa mga tawo, “An dagang siniyasat mi sarong marahay na daga.

Alagad siring na ako buhay, asin siring na nakakalakop sa kinaban an sakong kamurawayan, mayo nin mabubuhay sa mga tawong ini tanganing maglaog sa dagang idto. Nahiling ninda an sakong kamurawayan asin an mga milagrong ginibo ko sa Egipto saka sa kalangtadan, alagad dakul na beses ninda akong binalo asin dai ninda ako dinangog. Dai nanggad sinda makakalaog sa dagang ipinanuga ko sa saindang mga ginikanan. Mayo nin siisay sa mga nagsikwal sako na makakalaog duman.