Popular Bible Verses from Isaias 65

Share

Maski dai pa sinda nakakatapos kan pagpamibi, sisimbagon ko na sinda.

Nagsasabi an KAGURANGNAN, “Naglalalang ako nin bagong kinaban asin bagong kalangitan. An mga pangyayari kan nakaaging panahon dai na gigiromdomon.

Magigin mauswag an saindang pinagpagalan, asin dai mamumugtak sa kapahamakan an saindang kaakian. Sinda saka an saindang kapagarakian bebendisyonan ko sagkod sa mga maabot na panahon.

Matugdok nin mga harong an mga tawo asin sinda an mag-eerok diyan—dai iyan gagamiton nin iba. Magtatanom sinda nin mga ubas asin mag-iinom kan arak na hale diyan—bakong iba an mag-iinom kaiyan. Siring sa mga kahoy, mabubuhay nin halawig na panahon an sakong banwaan. Papakinabangan ninda an mga bagay na saindang pinagpagalan.

An mga pasuso dai na magagadan mantang omboy pa, asin an gabos na tawo maghahalawig an buhay. An mga nakakaabot sa edad na sanggatos, ibibilang na aki pa. An magkagaradan bago kan edad na iyan magigin sarong tanda na pinapadusahan ko sinda.

Sabay na magkakakan an lalaw na ayam saka an kordero; magkakakan nin dagami an leon siring kan baka, asin dai na mangangagat an halas. Sa Sion, an sakong banal na bulod, mayo nin anoman na makakakulog o makakaraot.”

Ako mismo mapapano nin kaogmahan huli kan Jerusalem asin kan saiyang namamanwaan. Dai na magkakaigwa nin pagtangis diyan, ni paghagad nin tabang.