Popular Bible Verses from Isaias 60

Share

Tindog, Jerusalem, asin pagliwanag siring sa aldaw! Nagliliwanag sa saimo an kamurawayan nin KAGURANGNAN!

An mga nasyon madadagka kan saimong liwanag, asin an mga hade madadagka kan nagbabanaag na bago mong aldaw.

An ibang nasyon matatahoban kan kadikloman, alagad maliliwanagan ka kan ilaw nin KAGURANGNAN; iibahan ka kan liwanag nin saiyang presensya.

Maski an pinakasadit saka pinakamapakumbaba sa saimong mga pamilya magigin dakula siring sa sarong mapangyaring nasyon. Papangyarihon ko ini sa tamang panahon na dai na mahahaloy. Ako an KAGURANGNAN!”

“An aldaw bako na an magigin ilaw mo sa maghapon o an bulan an magliliwanag saimo sa bilog na banggi. Ako, an KAGURANGNAN, an saimong magigin liwanag sagkod lamang; an liwanag nin sakong kamurawayan iyo an magigin ilaw mo.

An kamondoan mo magkakaigwa nin kataposan. Ako, an KAGURANGNAN, an saimong magigin ilaw sagkod lamang, na magliliwanag nin mas haloy ki sa aldaw asin bulan.

Mahihiling mo ini asin mapapano ka nin kaogmahan; maglulukso ka sa dakulang kagayagayahan. Dadarahon saimo an kayamanan kan mga nasyon; an saindang kayamanan madatong hale sa ibong kan dagat.

Pangalagkalag sa palibot mo asin hilinga kun ano an nangyayari: nagtitiripon an saimong banwaan tanganing magpuli! Hale sa harayong lugar madatong an saimong mga aking lalaki; kikilikon an saimong mga aking babae arog sa pagkilik sa mga aki.

Magigin matanos an saimong namamanwaan, asin sasadirihon ninda an daga sagkod lamang. Ako an nagtanom sainda, an naggibo sainda, tanganing ipahayag ninda an sakong kamurawayan.

Dai na nanggad madadangog an kadahasan; an saimong daga dai na nanggad makakanamit nin pagkagaba. Ako an magigin kaligtasan asin depensa mo siring sa sarong kudal; oomawon mo ako huli ta ako an nagligtas saimo.

Magigin bukas an saimong mga trangkahan aldaw-banggi, tanganing madara saimo kan mga hade nin ibang nasyon an saindang mga kayamanan.

Kadakul na kamelyo an madatong hale sa Midian saka sa Efa. Madatong sinda hale sa Sheba, na nagdadara nin bulawan saka insenso. Magpapahayag an mga tawo kan marahay na bareta, kun ano an ginibo nin KAGURANGNAN!

An KAGURANGNAN nagsasabi sa Jerusalem, “Hihirahayon kan mga dayuhan an saimong mga kudal, asin maglilingkod saimo an saindang mga hade. Sa sakong kaanggotan pinadusahan taka, alagad ipapahiling ko ngunyan an sakong pagkawili saka pagkaherak sa saimo.

“Kun kaidto pinabayaan ka asin kinaongisan patin dai inaagihan nin tawo, alagad ngunyan gigibohon takang dakula asin magayon, sarong lugar nin kaogmahan sagkod pa man.

Mga nasyon saka mga hade an mag-aataman saimo siring kan pagpasuso nin sarong ina sa saiyang aki. Maaaraman mo na ako, an KAGURANGNAN, an nagligtas saimo, na an mapangyaring Dios nin Israel an nagpatalingkas saimo.