Popular Bible Verses from Parahulit 8

Share

Kaya napatotoohan ko sa sadiri ko na an tawo dapat na maghanap nin kaogmahan, huli ta an marahay saiya sa buhay na ini iyo an pagkakan saka pag-inom asin pagpaogma sa sadiri. Ini magigibo niya mantang nagpapagal siya sa buhay na itinao saiya nin Dios sa kinaban na ini.

An sarong parakasala pwedeng gumibo nin ginatos na karatan, asin padagos pang mabuhay. Aram ko kun ano an saindang sinasabi: “Kun kuyogon nindo an Dios, an gabos magigin marahay

Igwa nin tamang panahon saka paagi sa paggibo kan gabos na bagay, alagad dikit sana an satong naaaraman!

Maski siisay mayo nin kapangyarihan sa pagpahalawig kan saiyang buhay o sa pagpanuodma kan aldaw nin saiyang kagadanan. Iyan sarong gera na dai ta madudulagan, maski gamitan pa nin daya.

An mga tawo andam sa paggibo nin karatan, huli ta an krimen dai tolos pinapadusahan.

Alagad iyan masakit na saboton. Kun minsan igwa nin mga matanos na iyo an nag-aako kan padusa kan mga tampalasan; kun minsan an mga tampalasan iyo an nag-aako kan premyo kan mga matanos. Minasabi ako na ini mayo man nin halaga.

Mayo satong nakakaaram kun ano an mangyayari, asin mayong mataram sato.