Popular Bible Verses from Etûm ágbán~í jisos, echî 5

Share

Kən mba Pita á táme fə́ne sê, “E ri é yúk a ri nchot Obhasi, nnyi ntem-nne asík.

Á kə̂t mân kpe bhaghé ofú ka ókʉ́rí achot Obhasi na ka ojû ane, á səra ane otîp ogyebhá-ḿbə́ŋé sê Jisos a ri Krayis, nne nnyo Obhasi a túmi a bhá yim ngun á sém.

Pita a bhîŋ yê a bhə̂p se, “Ananiyas, o yimî nan o kâm Satan a súi wâ ka ḿbə́ŋé, a yîm wâ ó sə́ré áfúbhí mbâ Obhasi Ebhare Ntʉgantʉ? Ntí mmi o gurî nsi eya, ó ki etʉ̂ mbá-njəm ó ko mân mmí ó bha. Nsi a ri eya, ntí mmi o gurî, a ri imâ. Echî mân nji o kére se ó yîm ntʉ́ghi ejûm njí a ri jen? Məŋê se o sə́re áno áfúbhí mbâ Obhasi, mbâ ntem-nne asík.” Ananiyas a kpo yúk nchot nnyí, a gbô a kpô.

Ka nji é kpo bhá áno mfá, n kí səre ên bəre o kâ yîm ên kpe ejûm na ane mbá, maghê ên ábho, ka ájoé achot mmá na ntûm nnyi ábho á yíma áno a ri íkíkéré ntem-nne, í kí tan áno. Kən ájoé í dʉ̂ mbâ Obhasi, kpe o noghê ên áfo nan, ó bhó fon ên érûm. Ebhú tat ó ro məŋé ên áfo ó noghá ên áno a ri na Obhasi.”