Popular Bible Verses from Ə́rɨ́b nùb tómé yi ə́llé 14

Share

«Ínaná yáà, nyí ndɨŋce nɨ́ u̧ ɓe ní? Nɨ́m duɓwée nɨ nɨ̀vɨ́tɨ̀b hȩ nyí á. Nɨ́m gewona nyí Kìn Nyɔ̧ɔ̧́ á. Kìn kɨ́ ta nyí mbɨ́k mèín saai nyaŋhɨ́b ɗàrɨ́, nyí a ɓàndɨ̀cùrê Mèín nò du jááŋ yi nyaŋhȩ ɓɨɨr, ɗɔ̀ɔ́b, mɨ̀kwehɨ̀r ɓe nɨ́ɨ́b lâs lɨ no á.

Ye kù ŋgə́ yaá óònɨ nɨ́m Pôl yi du nyìnniì. Pôl ɨ́ kpáàŋndê ŋgə́ íí no, ŋgə́ ɨ́ pê gíí ní ɓa ŋgə́ ɓátɨ̀niì nɨ̀ŋgwá kɨ́ yi du ɓe kíí. Á ŋgə́ tana ŋgə́ kúu còóm: «Éíwúum còóm, ə́əŋɓam gurub woò ya!» Nɨ̀ŋgwá rè ɨ́ éíwû còóm gɨ́ɨ̀r, ŋgə́ ɨ́ yàrê gùr.

Mɨ̀kwìn nùb ə́mní lâs no, ŋgáb ɨ́ càtèèhô̧ kɨ̀jííb no. Cùr ŋgáb ya ji ɓɔ̧, ŋgáb ɨ́ yôŋ Mèèín á ŋgáb ya naré nùb kɨ́ Kékéé ŋgáré. Kéké nùb kɨ́ yi ə́mne kɨ́.