Popular Bible Verses from Rómhánaigh 14

Share

Ní gnóthaí bia agus dí í ríocht Dé ach an fhiréan-tacht agus an tsíocháin agus ansó sa Naomh-Spiorad; an té a dhéanas seirbhís do Dhia ar an modh sin bíonn aoibh ar Dhia leis agus bíonn na daoine á mholadh.

Más beo dúinn, mairimid don Tiarna, agus más é an bás atá i ndán dúinn, faighimid bás don Tiarna; dá bhrí sin is cuma cé acu beo nó marbh, is leis an Tiarna sinn.

Leanaimis mar sin don uile ní a chuireas le síocháin agus le leas na gcomharsana.

Mar sin de ná tugaimis daorbhreith ar a chéile a thuilleadh, ach ina ionad sin go mba é rún ár n-intinne gan aon toirmeasc ná ceap tuisle a fhágáil sa chosán roimh ár mbráthair.

Mar tá sé scríofa, “Mar a mhairim, deir an Tiarna, níl glúin nach bhfeac-faidh romham, ná teanga nach dtabharfaidh a dhíol molta do Dhia.” Mar sin caithfidh an uile dhuine againn bheith ag freagairt ar a shon féin do Dhia.

Maidir le fear an chreidimh laig, bíodh fáilte agaibh roimhe, ach ní chun díospóireachtaí faoi thuairimí.

Cé tú féin le breith a thabhairt ar sheirbhíseach duine eile? Is os comhair a mháistir féin a sheasas sé nó a thiteas sé. Agus tógfar ar a bhoinn é, mar is féidir leis an Máistir cos a chur faoi.