Popular Bible Verses from ROMA 6

Share

Ya̧a̧nɛ hinha̧a̧l dɔɔrɔɔsɔ gɛ: wɔrko; Bɛt gaasɔ tɔs be gɛ: za̧a̧tig faa bɔ a Waar wɛ Yeesu Kristu ge.

Àgiyɔ nɛ taa ma a maakdɔgl waabil du, nɛ waak a Bɛt gɛmsil du. Nɛ yɔ anbɔ, bɔnɛ ɔɔ hinha̧a̧l gi dag tɛŋk nɛ zulha.

Hi i̧i̧wɛ lɛlgbunu hi gii a Bɛtmɛm bɔ wɛ loo gedu, wɛ wɔr hi giya. Yɔ anbɔ anyɔ gii da rɛml gi ɗund a wɔrk du hi Baa wɛ Bɛt tɛŋkɔ gɛrsya bɔ, wɛɛ hɛw wɛ dag gbɔnɔ gɔ an wɛ ɛmb a za̧a̧tig ɛmbil seg rɔb bɔ gedu hi Bɛt tɛŋkɔ gɛrsya bɔ be.

Bɔnɛ yaa naan a hinha̧a̧l du an wɔdyɔ gɔ hi woon ha̧a̧lɛ; yɛrɛ gaan zul nɛ a Bɛt ge an dood wɔ hi wɔrɔ hi wɛɛ hi wɛɛzɔ. Gaan muul nɛ sɛw a Bɛt woos du an wɔd hinrɔb woonikya.

Yɛwɛ mɛɛ a doo amnt bɔ gi wɛ muul du, da dooy a dɔ̧ɔ̧r ha hi giya an hinha̧a̧l muul bɔ tɛŋkɔ gi wagɔ, an bɔwɛ kɔm hinha̧a̧l gbaari.

Yɔ anbɔ nɛɛ hi zul nɛ hɛw, seen zul nɛ an nɛ wɔr a hinha̧a̧l gbaŋg sa̧a̧nɛ, wɛɛ nɛ gi za̧a̧tili a Bɛt zulɛ a Yeesu Kristu dɔŋgo.

Yɛrɛ wɛ dɔg a nɔ? A wɛ waa a hinha̧a̧l du an Bɛt gɛmsilɔ gi tɔɔ gi daar ya? Taa anbɔ nɛ zaŋ! Wɛɛ yɔ wɛ wɔr a hinha̧a̧l gbaŋgi, gi an wɛ wɛɛ wɛ waak ri a hinha̧a̧l du nɔ?

Nɛ mɛɛ a nɛ́ gaa doo za zul nɛ an gbaari an nɛ kɛmsig tɔnɛ, nɛ gi za̧a̧n bɔ gbaar ɔ̧ɔ̧nɛ. Zaabe nɛ gi hinha̧a̧lyɔ gi kaŋk doo a wɔrk du gbaar ɔ̧ɔ̧nɛ, zaabe nɛ fɔk Bɛto, nɛ gi dood riitɛ a Bɛt muutdu a tɔn nɛ kɛŋk bɔ gi dɔŋgo.

Yɛrɛ wɛ baan Bɛto; anyɔ nɛ da nɛ ginɛ hinha̧a̧l gbaar gii si̧, yɛrɛ nɛ ta̧a̧ hinyɔ wi gogsin gbɔnɔɔ wɔ hi kpoos nɛ sɛw. Bɛt tuusin a hinha̧a̧l bɔ tɛŋkɔ gedu, yɛrɛ nɛ wɛɛ Bɛt woosyaadɛ an nɛ woo hinriiti.