Popular Bible Verses from ROMA 4

Share

Ɔ̄ɔ̄ Bɛt ɗɔbsig gɛ, fāā hinyɔ Bɛt raa a gi gaag gɛ. Ɗɔbsugɔ bɔ gaag tɛŋko, gi baanik Bɛto. Ta̧a̧ hi kpoosɔ sɛw a Bɛt gin tɛŋko an gi woo hinyɔ da raa nɛko.

anyɔ Bɛt ɗɛɛrwolɔ raa a be wɛɛnum dood hɛbt kittɔnɔ baa ya̧nɛ. Gi baa wɛ a Bɛt yɔ ɗɔbsig gi muut du, Za̧a̧nyɔ gi wɛnsig wɔrkɛ kolya̧, wɛɛ gi elik hinyɔ taa nɛ gɛ an hinɔ gi giro.

Bɛt gaag wɔrk naan du a wɛ hinha̧a̧l dɔŋgo, wɛɛ rɛmsig a wɔrkɛ tees du an gi wɛɛnɛ dood riitɛ ro a gi muutdu.

Abraham ɗɔbs Bɛto gbaa mɔkilɔ a ge, yɔ da mɔkilgbaak taa nɛ gɛ, ya̧a̧nɛ gi wɛɛ dood hɛbt kittɔnɔ baaya̧ anyɔ Bɛt da raage a dɔ̧ɔ̧t mɔ gi gi anbɔ.

Ya̧a̧nɛ, Bɛt gi raa a gi gaa dood waal bɔ a hi ɗɔbsig dɔŋgo an hinɔ gi wɛɛ gaas ya̧a̧rtɔs, an hinyɔ Bɛt raa a bé woos Abraham waatɔ sɛw gi er a Bɛt kpoosɔ rɔb ha. Taa an hinɔ gi gis dood wɔ hi fɔk Bɛtmaak gii kpɔdi, gi gis dood wɔ hi ɗɔbs an Abraham hɛw. Abraham gi baa wɛ gii sɛw

a hat gi a dood wɔ Bɛt bitsihi hin-a̧a̧bya̧ hi, gi wɛɛ gi yaat hinha̧a̧lya̧. Hat gi a za̧a̧nyɔ Waar Bɛt ɓɛr hinha̧a̧lɔ gɛ ge!

Bɛt ɗɛɛrwolɔ raa a nɔ? Raa a Abraham gbaa kpoosɔ a Bɛt ge, Bɛt wɛɛ seeg an doo riiti anyɔ ɗɔbsɔ.