Popular Bible Verses from HINWƆ HI MITS YOHANA 22

Share

Bee gi A hi Z-di, bee gi biitiri hi kuudi, bee gi yɛɛliki hi da̧a̧ki.

Yeesu raa: a kaasi be zaako! Be kamzig dɔɔrɔɔsɛ an be gaa za̧a̧nyɔ gi sɛw an woosɔyɔ fɔbɔ.

Bɛt Mɔkilɔ hi nis lool bɔ hi dɔgɔ: a zaamɔ! An za̧a̧nyɔ lag anbɔ gi raa hɛw: a zaamɔ! An za̧a̧nyɔ mɛm gig ha̧a̧ko gi zaa. An za̧a̧nyɔ ha̧a̧g mɛm za̧a̧tigya bɔ yɔ̧ko, gi zaa gi yɔ̧ ya̧a̧rtɔs.

Dood wɔ gɔ hi dokt gbandilya̧ gaattɔnɔ fɛr, hi gin hato; hi dag tɛŋk an hi le tɛ̧ɛ̧ za̧a̧tigya bɔ humlɔ, hi gul a waal gbɔɔl bɔ ya̧a̧gbarɔ bɔ gedu.

Yeesu raa: a lagumɔ, kaasi be zaako! Hat gi a za̧a̧nyɔ wa̧a̧ Bɛtya̧a̧kɛŋkya dɔgl bɔ hi bi̧i̧ a ɗɛɛrwol yɛrɛ duge!

Yɛms hinɔ taaro, wɛɛ hi ɛr laa, zaabe ɔ̧ti an gi gààhi lɛlgaal gɛ. Bɛt gii gi lɛlgaalya̧, hi wɛɛ hi gin waar ums wɛlɛ hi wɛlɛ.

Za̧a̧nyɔ boo hin wɛrɛ, raa: a hɔɔ, kaasi, be zaako! Aanbɔ! Waar Yeesu , zaamɔ! An Waar Yeesu gɛmsilɔ gigi hi doodɔ sɛw! Aanbɔ!

Mii Yohana, mi dɔgɔ: a za̧a̧nyɔ kɛm Bɛtya̧a̧kɛŋkya Bɛt dɔgl bɔ bi̧i̧y a ɗɛɛrwol bɔ gedu gi wɛɛ gi goo zaa ha hi zulɔ, Bɛt gi gaag ya̧a̧rhant wɔ hi bi̧i̧ a ɗɛɛrwol bɔ gedu. Wɛɛ za̧a̧n za gi ha̧s hinza a Bɛtya̧a̧kɛŋkya Bɛt dɔgl bɔ hi bi̧i̧ a ɗɛɛrwol yɛrɛ gedu Bɛt gi ha̧s za̧a̧tig ɔnɛ bɔ dag nɛ a tɛ̧ɛ̧za̧a̧tigya bɔ gedu hi gulkɔ bɔ a waal gbɔɔl gaat bɔ hi bi̧i̧ dɔglɔ a ɗɛɛrwol yɛrɛ gedu.