Popular Bible Verses from 1 YOHANA 3

Share

Waat mi hatil wɛ, bɔgi ha̧a̧wɛ a nawɛza zaadɛ hi ya̧a̧kosɛ, ɗɛwɛ zuun hat wɛ hi woosɛ hi rɔbo.

Hinyɔ wɛ mɛɛn Bɛt ha̧a̧kɔ ha̧a̧g gɛrɛ: anyɔ Kristu ta̧a̧ an gi wɔr a wɛ dɔŋgo, gi an wɛ ta̧a̧ an wɛ wɔr a nawɛza zaadɛ wɔ hi gi a Bɛt gbɔnɔ du hi dɔŋg be.

Sɔ̧ɔ̧n ha̧a̧tig gbɔɔl yɔ Baa wɛ Bɛt ha̧a̧g hi wɛya, giwɛ elik a wɛ gi waat ɔ̧ɔ̧nɛ; hi rɔbo, wɛ gi Bɛt waato. Ya̧a̧ gi dood waal du hi mɛ̄ɛ̄wɛ gɛ. Hi mɛ̄ɛ̄ Yeesu gɛ, gi nɛ an hi mɛɛwɛ ri nɔ?

Za̧a̧nyɔ gi wook hinha̧a̧lɛ gi loorɛha̧a̧l doo ɔ̧ɔ̧nɛ. Loorɛ-ha̧a̧l gi gbosig hinha̧a̧l wooki, yɛɛl a waalyɛɛliki tuur ɓɔryɔ. Yɔ gi nɛ an Bɛt waa bɔ gi ha̧tir loorɛha̧a̧l woosɔ wɔ gii gi midza wɛ tees du.

Za̧a̧nyɔ mɔɔy a Bɛt ge gi Bɛt waayɔ, taa hinha̧a̧l wooko, ya̧a̧nɛ Bɛt dɔ̧ɔ̧tɔ za̧a̧tig seg bɔ Bɛt gaage, gi waak a gi kpoos du. Anyɔ mɔɔy a Bɛt ge, ɗɛ̄ɛ̄ an gi waa hinha̧a̧l wook ma gɛ.

Yɛrɛ doo za gi gin rɔɔsɛ, wɛɛ gi gbɛn naaza gi ha̧a̧k ya̧a̧rɛ, gi tā̧ā̧ an gi mɛɛsigya̧a̧r gɛ, yɔ raa ri a ha̧a̧be Bɛt nɔ?

Dood wɔ hi wa̧a̧k dɔglɔ wɔ, hi waak ɔksig gbun hi Bɛto, Bɛt gi waak ɔksig gbun hi hii be. Hinyɔ wɛ mɛɛn a Bɛt gi waak ɔksig gbun hi wɛɛ gɛ Mɔkil yɔ gaazɛ gisɛ raako.

Hinyɔ gi gɛ̧ɛ̧k Bɛt waatɔ hi loorɛha̧a̧l waatɔ gɛrɛ: Za̧a̧nyɔ taa hin riit wooko, zaabe gɔ gi hā̧ā̧ge a naaza Yeesu fɔkya muul gɛ, taa Bɛt waaɔ.

Dɔgl yɔ nɛ kɛm gi yɛɛl a biitirnaandu gɛrɛ a yɛnɛ gi ha̧a̧tin wɛ.

Nɛya, yɛ̧ɛ̧dɛ be, waal gi gin lɔlhɛ̧ɛ̧nuko, bɔ hinɔ gi kɔmsin gɛrsɛ.