Popular Bible Verses from 1 KƆRƐŊGTU 9

Share

Dood nɔɔkilya wɔ ha̧a̧hi nahiza hii daarik sɛw, hi mɔŋk a hinyɔ gi gedu sɛw an muulya̧ gi dag tɛŋko. Hi gɔk anbɔ ro an hi dag waar ums kal yɔ gɔ haŋsɔ, nɛ wɛɛ be, yɛwɛ gɔ an wɛ dag waar ums kal yɔ gɔ haŋs gɛ. Miya, mí nɔ̄ɔ̄ nɔɔki tɔs gɛ, mi nɔɔk an mi tuur a da̧a̧klɛl gɔ da̧a̧ dige, mí zɔ̧ɔ̧ naan mi zɛk du gɛ, mi zɔ̧ɔ̧k rɔbtɔnɔ lɛlɔge an mi ɗɛɛ Saydanu za̧a̧n bɔbtin bɔ.

Mi gi muul mi kaŋkig sa̧a̧ttɔnɔ, mi gig ook hi tɛŋko an bɔ mii yɔ mi dɔks dood zaadɛ Dɔgl Rɔb bɔ Bɛt gi zɛ̧mi mi woo hin-a̧a̧bi gi wɛɛnim kuudu.

Nɛ́ mɛ̄ɛ̄ a dood wɔ hi nɔɔk an zaa gi daar naaza gi dag dɔɔrɔɔsɛ hi nɔɔk sɛw gɛ ya? Gɔ anbɔ doo gbun ro gi dag dɔɔrɔɔsɛ. Nɔɔnnɔɔk yɔ gɔ nɛ nɔɔ sɛw an nɛ dag nɔɔkilɗɛɛk nɛ dɔɔrɔɔsɛ.

Yɔ mi waak hi dood wɔ kpoosya̧ hɔ̧n a ɗɔbsig du anyɔ hi mɛ̄ɛ̄ zulya̧ bɔ aakil dɔglɔ bɛttɔnɔ gɛ, mi wɛɛ hɔntili an hiya, an mi kamzihi a Yeesu Kristu ge. Mi wɛɛn zul mi hin sɛw a dood sɛw hi, an ri nɛ ma si̧ mi za̧a̧s dood zaadɛ za̧a̧sɔ.