Popular Bible Verses from Miyegengkeicne 5

Share

Aime yenge gee monic gbolicne yanguc holeibong. “Gagi hibi kpadidiweicne yogo nalic balu aka bakatackeicne yogo baickedamecte. I yangucte, ngic yengi wecgubong gagi sacgonedi ngic-ngigacfocgone fuli bacebaing. Ailu ga himong fengnginang fengnginangsoc ngic-ngigac, nga yowane yowane, ailu soc haicine monic-monic, nga himongne himongne ngic-ngigac sasawa, yengelacni moniyang moniyang fuli bacebang Wapongte aling ailu gagaing.

Yengi sanangne wackelu aukwelu yanguc miibong, “Lama madecine wehomaicne, Yedi damongte tapili nga woc-wiyactowa ailu ngage-ngage-motoc, nga tapili ailu alang-baba, nga wac feicne ailu mimi-madic yogo nalic lacnobong badaicte.”

Fuli bacebang Wapongte ngani-damongte alingka gadaingte. Ailu yenge depec-baba ngic ingucne ailu Wapong kwelec kwecnodaingte. Aling yogo yengi himongne himongne yengele damong aidaingte.”

Aime wiyac sasawa Wapongti mime fikeyackeibong, yenge honocmengka nga himongka ailu himong bageina nga kiwecka, yengele kweliwa wiyac sasawa gagaing, yenge yowa yanguc mibong ngageiba. “Ye ngictaule mac ngiye-ngiyeina ngiyegac nga Lama madecine, Yekela mimi-madic nga alang-baba, ailu wac feicne nga tapili moto-motoine mikac fafegidaic.”

Hiyabe damongfocngineng yengelacni monicti yanguc edocnuwec, “Ngagegic, ga mi hiyanong! Yuda yengelacni laion yogo, ye Dawidi ngambofocine yengele fikesaweckacni gidec, yedi gbelong aiwec. Ilec ailu ye hibi kpadidiweicne yele aka 7 bakatackeicne, yogo nalic baickelu bafilamedaicte.”