Popular Bible Verses from MATTHIEU 28

Share

Wen hegɔ ɛ̀nɛ̀ nɛ́, ɛ̀nɛ̀ dé ha̧ o zuduk bíí lɛŋ mɛ ya o ŋgaiwi kɔ‘m; ɛ̀nɛ̀ zúí wa nɛ̀ nin Dáà in Bem in Sa̧a̧ Ɔmi, ɓɛɛ ɛ̀nɛ̀ úsí mɔ lɛŋ n'am usa h’ɛ́nɛ́ ha̧ wa mɛ kasi mbɛt. Ɓɛɛ kɔ‘m, mi a̧a̧ in'nɛ̀ɛ́ wese lɛŋ hɔ nɛnɛ sɔŋkur ŋgimbi.»

Nɛ́ mɔ'ɔ nɛ̀ Jesu tɛ̀ɛ̀ pii tɛ wa, ɓɛɛ tɔ̧ ha̧ wa: «Sɔ̧ ha̧a̧ ŋgai mɛ́ yiwese in mɛ́ zaŋnu lɛŋ ha̧‘m.

Ɓɛɛ betom mɛ yiwese tɔ̧ ha̧ o kóò nɔ‘i: «Ká kíì de'nɛ́ na. Mi iŋa ɛ́nɛ́ kíí nɛ́ Jesu nɛ̀ wa mgboia zu te-diŋa. A̧ bo hɛ̧ɛ̧ na; ɛ̀nɛ̀ tɛ́ ɛ̀nɛ̀ zɔ́k fara n'aa ɔɔ so nù sɛnɛ. A̧ kura ŋgɔn kaɗi, hee mɔ'ɔ n'aa bàá tɔ̧ so ga.

Ɓɛɛ Jesu tɔ̧ ha̧ wa: «Ká kíì de'nɛ́ na. Ɛ̀nɛ̀ tɔ̧́ ha̧ o nya'm'e: wa a̧ nɛ́ si Galilee mɛ; nɛ́ hi̧i̧ a̧ wa tɛ zɔk am.»

O gasa wan-ɗafi-sɔ̧ mɔi̧a ŋmaa in o gasawi, ɓɛɛ ba keta mɛ ha̧ sede nɛ̀ dɔka-a ha̧ o wi-biro. Ɓɛɛ wa tɔ̧: «Ɛ̀nɛ̀ tɔ̧́‘e, nɛ́ o ŋgaiwi kɔ̧-a̧ a̧ tɛ̀ɛ̀ zu̧ wɔr-aa yaknɛ mɛ zɛ k’ɛ́nɛ́ biti ɔ̀ yá. Ɓɛɛ kà wen-aa nɛ́ aa zer gasa wi-duk-zu zika-nù, ɛɛ tɛ ga̧ see-aa wen ká wen tɛ́ɛ̀ tik zu'nɛ́.» Nɛ́ mɔ'ɔ nɛ̀ o wi-biro baa sede'i ɓɛɛ ku̧ naŋ tɔ̧ɔ̧ wen hee mɔ'ɔ nɛ̀ o gasa wan-ɗafi-sɔ̧ tɔ̧ɔ̧ ha̧ wa ga, ɓɛɛ wen'i nɛ́ mɔ'ɔ nɛ̀ biti kànà mgbara o Juif hɔ sɔsɔɔ‘i.