Popular Bible Verses from Matiu 22

Share

Minti tuvaro Ihuva vira tiva amiro tiharo, Are nena Variqa Nora Kotirara ekaa nena muntukaqihairave, nena maraquraqihairave, nena avu aatoqihairave, antuqa arirara variane, turave. Ho vi uvava avuni vaiharo noraiqamakero vairave. Vi uvara naantiaraini nora uva voma vaivo. Vi uvava avuni vai uvara voqaarama vaivo. Vi uvava mintima tiro: Ninara antuqa arinantema kera nena navunaa vaiintiaravata antuqa arirara variane, turave.

Vi uvatantavano okara uva naaqura arataara voqaara vaivaro ekaa vo uva vo uva Mosiva tivato uvavave, paropeti vaiintinavu tivato uvavave, kiari voqaara vaiharo vi uvatantaqaa hirivi vairave, tiro. Ihuva turama.

Ihuva vi uvara tivakero viva tiharo, Kotiva airi vaiinti nahenti naarama tainaraqihairo taaraiqaqaima ntita varaanarove, tiro.

Naantiara vaiinti nahenti qutu viraqihai qaiqaa qaqi himpi variqi vi entara kiama naata vaati vare okarava varianarove. Vika enselinavu naaruvaini variaka voqaantema kema vaivarave, tiro.

Takisi aqi vai monura vohaiqa humiqaiqe tavaare, tiro. Minti tumanta vi monura vohauru amuvaro viva vika irama nimitero tiharo, Monu viraqaa tara virivata autuvatae vaivo? tiro. Minti tumanta vika tiha, Sisaarave, tuvaro Ihuva vikara tiharo, Virara irihama ne Sisaava ina haikara nai amiate. Kotiva ina haikara nai amiate, tiro.