Popular Bible Verses from ROMANEN 12

Share

We joŋ tǝgbana za sǝr mai mo tǝ joŋra ka, amma we soɓ Masǝŋ mo zyeɓ we pǝfuu mo fer yella ɓii tǝɗe', ka we gak tǝ fan mai Masǝŋ mo 'yahe: fan sãhe, fan ma 'nyah suu ahe, tǝkine fan matǝ goŋga.

Wee pa ɓe, Masǝŋ kwo syak ɓo tǝ mana, mor ah me pǝǝ we ka we nyi suu ɓii nyi Masǝŋ tǝgbana fan joŋ syiŋ mai mo ne cee mo nǝǝ ɓo mor yeɓ ah moo 'nyah suu ahe. Ɗul ah masãh ah ko maiko.

We laa pǝ'nyah ne fan mai we tǝ byakke, we rõm bone, we juupel cẽecẽe.

Mo soɓ ɓǝɓe' jee mo ka, amma amo ye mo kaa swah tǝ ɓǝɓe' ne ɓǝ sãhe.

We yea ne foo ɓǝ ki tǝgbana wee pam mai moo 'yahra ki, we kee ki ne yii ki.

'Yah ɓii mo suuki ne vǝrvǝr ka. We syiŋ ɓǝɓe', we 'yah ɓǝ sãhe.

Wee gak no ɓe, we kyeɓ ka kaa jam ne za daŋ.

Bai ɓe ra, we faŋ val ne suu ɓii ka, amma we soɓ kpãh Masǝŋ ye mo joŋ, mor Ɗerewol faa: Dǝɓlii faa azye ye ga faŋ valle, zye ga soo val ahe.

We joŋ yeɓɓe, we yea pǝ vǝǝkoi ka, we joŋ yeɓ mor Dǝɓlii ne zahzyil ma ne 'yahe.

Mor fan mai Masǝŋ mo nyi ɓo me, me tǝ faa nyi we daŋ, we foo ɓǝ kal tǝ suu ɓii ka. Amma pǝram we foo ɓǝ ne yella, ka koo zune kǝsyil ɓii daŋ mo joŋko tǝgbana iŋ mai Masǝŋ mo nyi ɓo nyi ko.

We soo dǝɓ ma joŋ ɓǝɓe' wo ɓii ne ɓǝɓe' ta ka, we kyeɓ ka joŋ fan sãh wo za daŋ.

We kaa wo ki pǝ'nyahre, we kyeɓ cok mayǝk ah ka, we joŋ suu ɓii na za tan fan ka.

Ɗerewol faa ta: Pa syiŋ ɓo mo ne koŋ ɓe, mo nyi farel nyi ko re, koŋ bii mo i ko ɓo, mo nyi bii nyi zwǝ. Mor mo tǝ joŋ nai ɓe, a ga yea tǝgbana mo tǝ rǝk yakwii ga nyi tǝtǝlli.

We fii Masǝŋ ka mo ẽeko za mai moo foora mor ɓiiri, we fii ko ka mo ẽeko ra, we fii mor ka joŋ ra pǝɓe' ka. We laa pǝ'nyah ne za mai mo tǝ laara pǝ'nyahre, we yeyee ne za mai mo tǝ yera yee.

We gbah jol wee pa ɓii ne fan mai mo tǝ 'yahra, we nyiŋ za mai moo ginra yaŋ ɓii pǝsãhe.

Tǝgbana suu dǝfuu a vaŋno, amma ana ne fan wol ah pǝpãare, ara ne yeɓ ɓǝǝ camcam daŋ ta. Nai ne na ta, ana pǝpãare, amma ana ciŋ suu vaŋno ɓo ne Kristu. Ana vaŋno vaŋno daŋ na tai mgbãa ki ɓo tǝgbana fan suu mo wo suu tǝ vaŋno.