Popular Bible Verses from MATEUS 7

We fii, we ga ɗǝǝ, we kyeɓɓe, we ga lwaa, we kǝ̃ǝ zahfahe, a ga gbǝrra nyi we.

Mor koo zune mo tǝ fii fanne, a ɗǝǝni, dǝɓ mo tǝ kyeɓɓe, a lwaani, dǝɓ mo tǝ kǝ̃ǝ zahfahe, a gbǝrra nyi ko.

Koo zune mo tǝ laa ɓǝ mai me tǝ faani mo so syee mor ɓǝ ah ra ta ɓe, a ga yea tǝgbana dǝɓ ma ne tǝtǝl mai mo vuu yaŋ ah ɓo tǝ pǝɗakka.

Fan mai we tǝ 'yah ka za ki mo joŋra wo ɓii ɓe, awe laŋ we joŋ wo ɓǝǝ nai ta. Mor ɓǝ lai Mosus tǝkine ɗerewol profetoen daŋ faa naiko.

Amma zahfah manyiŋ ah a pǝgaɓɓe, so fahlii ah a ga pǝ cok lwaa cee, za ma ɓaŋra fahlii ah ka pǝlli ya.

We dan zahfah manyiŋ ahe. Mor zahfah ma'ah fahlii ah ka pǝgaɓ ya, a ga pǝ cok muŋni, za pǝlli tǝ syeera gŋ.

Awe nanaa we ye za ɓeare, we tǝ fahlii nyi fan sãh nyi wee ɓii ɗao, a joŋ ɗii Pa ɓii mai mo no sǝŋ ka nyi fan masãh ah nyi za mai moo fiira ko ya ne?

We ŋgoŋ kiita tǝ za ki ka, mor ka Masǝŋ mo ŋgoŋ kiita tǝ ɓii ka ta. Mor Masǝŋ ga ŋgoŋ kiita tǝ ɓii tǝgbana mai we ŋgoŋ tǝ za ki ta, a ga lii nyi we ne muŋjwǝǝ mai we lii nyi za ki ne ta.

Amma koo zune mo laa ɓǝ mai me tǝ faani, mo syee mor ɓǝ ah ra ya ɓe, a ga yea tǝgbana dǝɓ ma tǝgwĩi mai mo vuu yaŋ ah tǝ tǝkuuri.

Mor fẽe mo ẽe fãa ma nahnǝn naa pa ɓo mo ka kwan tǝzyee kpuu ma nahnǝn ɓo ya ne? Mo gak faa nyi naa pa ɓo ɗii, mo soɓ me ɓaŋ fãa nahnǝn ɓo ge lalle, so ka mo laŋ mo no ne tǝzyee kpuu gŋ ma ɓo taa ne?

We byak suu ɓii wo profetoen maber ahe, a ɓaara mbǝro pǝsǝ̃ǝ gin wo ɓii ne ko, amma kǝɓǝr ɓǝǝ ara ye goobam ma gbah fanne. We ga tǝ ra ne lee syẽm ɓǝǝra. Dǝɓ ka ŋhǝǝ lee kpuu vin tǝ kpuu waa ya, dǝɓ ka ŋhǝǝ wuu tǝ waafãi ya ta.

Kpuu masãh ah a lee syẽm masãhe, so kpuu maɓe' ah a lee syẽm maɓe' ta.

Kpuu masãh ka gak lee syẽm maɓe' ya, kpuu maɓe' laŋ ka gak lee syẽm masãh ya ta.

Kpuu makẽne mo ka lee syẽm masãh ya daŋ a ŋgoŋra ɓoo ga tǝ wii.