Popular Bible Verses from PƏ̃Ə ZA ISRAEL 20

Share

Ame Dǝɓlii Masǝŋ ɓii mai mo pǝ̃ǝ ne we gin sǝr Egiɓ, pǝ cok byak ɓiiri. Mo juupel wo masǝŋ maki ah ka, sai me to.

Mo zyeɓ masǝŋ maki ah mor suu ɓo ka, koo ka jur fan makẽne mo tǝlǝǝ sǝŋ ka ta, koo ne fan ma tǝ sǝr sǝŋ ka, koo ne fan ma mor bii sǝŋ laŋ ka ta. Mo kea ge sǝŋ pel fan ah ra ka, mo so joŋ yeɓ mor fan ah ra ka ta. Mor ame ye Dǝɓlii Masǝŋ ɓo, me ye Masǝŋ ma ne tǝwonni, me faŋ val faɓe' tǝtǝl za ma syiŋra me ne tǝtǝl wee ɓǝr ɓǝǝ ŋhaa dai zahŋhǝǝtǝ̃ǝ patǝ sai ah tǝkine patǝ nai ahe.

Mo kee pa ɓo tǝkine ma ɓo daŋ, ka mo kyaŋ wo sǝr mai Dǝɓlii Masǝŋ ɓo mo nyi ɓo nyi mo.

Mo foo ɓǝ zah'nan com 'yakke, mo gbǝ pǝsãhe.

Mo ɗii tǝɗii Dǝɓlii Masǝŋ ɓo pǝ zah haihai ka, mor Dǝɓlii ka ga soɓ dǝɓ ma ɗii tǝɗii ah pǝ zah haihai bai ŋgoŋ kiita tǝl ah ya.

Tǝgǝǝ zah'nan yea mo joŋ yeɓɓe, mo joŋ yeɓ ɓo ne daŋ. Amma zah'nan rǝŋ ah com 'yak mǝ Dǝɓlii Masǝŋ ɓo yo, com ah mo joŋ koo yeɓ fẽene ka, amo, we ɓo, mǝlaŋ ɓo, byak ɓo mawor ne mawinni, koo faɓal ɓo, koo za gwǝǝ mo ge kaara ɓo kǝsyil ɓii laŋ mo joŋra yeɓ ne ka.

Mo cwaa yaŋ dǝɓ ki ka. Mo cwaa mawin dǝɓ ki ka, mo cwaa 'wah ahe, byak ah ra, dǝǝ ahe, korro ahe, koo fẽene mo jol ah daŋ mo cwaa ka.

Mo gwah ber zah dǝɓ ki ka.

Mo joŋ ɓǝǝ ka.

Mo i wul ka. 18:20; Ro 13:9; Yak 2:11

Mo kiŋ nyin ka.