Popular Bible Verses from ROMANOS 8

Share

Nanee na' no non na' le' Diox ndli nab ryethe con' par càba con' ndac loo mèn co' nque' lezo' Diox, mèn co' Diox mcui xal mblo xnee Diox mcui Diox mèn par yòo mèn loo cón che'n Diox.

Cona, ngue niin loo gu': nonquen no ngobe'en yende nec thìb con' co' nzo co' gác li par ne'tolode que' lezo' Diox ñèe Diox na' par ryo xà' na' loo Diox yiloa. Tac thidte ngòc na' con Tad Jesucrist. Que naca gath na', que naca ban na', toloque' que' lezo' Diox ñèe Diox na'. Ne' angl; ne' mèn co' ñibe' loo xtàa mèn loo izlyo' ndxè'; ne' chol xpii co' ndxàp con' roo no con' xèn, xpii co' nac xpii roo no xpii xèn, gác li par ne'tolode que' lezo' Diox ñèe Diox na' par ryo xà' na' loo Diox yiloa. Ne' con' co' ndxàc loo mèn tiemppe' ndxè'; ne' con' co' gàc loo mèn le'n tiemp co' yi'th nque; yende chó con'a gác li par ne'tolode que' lezo' Diox ñèe Diox na' par ryo xà' na' loo Diox thidtene yiloa. Ne' con' co' nzo gáp loo bé'; ne' con' co' nzo ga's xan' le'n izlyo'; ne' ne' chol taamas con' co' mxèn' Diox no co' mblec Diox loo izlyo' gác li par ne'tolode que' lezo' Diox ñèe Diox na' xal nac mod co' mblu' Diox loo na' nque'que' lezo' Diox ñèe Diox na' por thidte ngòc na' loo cón che'n Crist Jesús co' nac Tad na'.

Lomisque' mod ne, leque yub Xpii Natú' ndlyath no na' loo con' co' nzi quee lezo' na' par ne'tolode gàc na' xal mbíiz co' mbuu's lezo' loo cón che'n Diox. Más de con'a, axta ne' ne' gác na' cuez na' Diox xal ndxàala. Per ndxe'leque', yub Xpii Natú' mbez Diox cón che'n na'. Anze'f nden' Xpii Natú' cón che'n mèn co'se' mbez Xpii Natú' Diox cón che'n mèn. Tac huax vez yende mod gab na' loo Diox con' co' nden' na' tant nden' na' con'. Por cona, Xpii Natú' nteri'th con' co' nden' na' no con' co' nquin na' loo Diox xalque' non Xpii Natú' nquin na' con'. Di's co' nteri'th Xpii Natú' loo Diox por cón che'n mèn, yende chó mèn gác ta' cuenta no tyoodi's mèn cón che'n di'sa.

¿Cón más nquin gab na' cón che'n con' ndli Diox, sya? Chele' Diox thidteneque' indlá'ya'de na', ¿chó mèn co' nac ngolo ngola's che'n na' gác li gan par ne'ryo loode gàc con' ndac loo na' por nzo na' loo cón che'n Diox por cón che'n Crist? Yende chó mèn gác li gan gàca tataa loo na', ¿lé'?

Nalle' nde niin tedib con' loo gu': Nase ya yende chó con' nquexù' mèn loo Diox, mèn co' thidte mqueltàa loo cón che'n Crist Jesús. Mèna nac mèn co' ya inzi tee bante xal ngòc mod co' ngro' mblyen' le'n lezo' mèn co' nac cón che'n xab izlyo'. Ndxe'leque', mèna nzi tee ban nalle' xal nac co' ñibe' Xpii Natú' che'n Diox loo mèna.

Tac chele' mèn más ye'th lezo' li mèn con' ndyub yo'f lezo' mèn co' nac cón che'n xab izlyo', con'a càb loo mèn par tith co' xà' Diox mèn loo Diox co'se' yilo gath mèn. Per chele' mèn más ye'th lezo' li mèn xal ñibe' Xpii Natú' loo mèn par li mèn, le' sya, con'a li càb loo mèn le' mèn yòo ban no Diox thidtene co'se gath mèn no càba loo mèn, ne, cue ban mèn rye nda mèn no rye ndye'th mèn làth xtàa mèn no càba loo mèn yu' yàl lezo' mèn loo Diox.

Mastale' tataa ndxàc loo na', loo ryete con' ndxè' ndli na' gan par ne'ryo xà'de na' loo cón che'n Crist. Tac non na' no naneeque' na' le' Crist nque'que' lezo' ñèe Crist na'. No ndlyath no Crist na' loo ryethe con' co' ndxàc loo na' ned nque tee na'.

Per nalle', ndyaquen le' cón che'n con' co' ndyactìi na' le'n tiemp ndxè' ne' por chu'th ne'ta'de co' ndyactìi na' por con' roo con' xèn co' yú' loo na' yiloa no co' gàc loo na' yiloa.

¿Ché' nzo chó mèn gác li par ne'tolode que' lezo' Crist na' par ryo xà' na' loo cón che'n Crist, à'? Yende chó gác lii, ¿lé'? Lomisque' ne, co'se' ndxàc chol yaltìi loo na' no co'se' ndxàc ngòc nguàal con' loo na' par nxi lezo' na' no co'se' ndub ngu's mèn na' no co'se' nsyon hua na' no nsyon gu na' co'se' yende con' hua na'; no co'se' nzi tee che na', yende xab na' par goc na'; no co'se' ndxàc chol con' ryes loo na'; no co'se' ndlyá' ndlyá' guth mèn na', ¿ché' ndyac gu' le' rye co' ndxàc loo na'a ndlu' ya ne'tolode que' lezo' Crist ñèe Crist na', cà'? Yende xàa.

Diox nteche ntexyath lezo' mèn no xtùuz mèn. Diox nanee no non Diox cón che'n con' co' ngue li Xpii Natú' xtùuz co'se' mbez Xpii Natú' Diox cón che'n mèn co' ngro xà' loo cón che'n xab izlyo', mèn co' ngòc che'npe' Diox, tac Xpii Natú' mbez Diox ante xal nee lezo' Diox.

Ryete mèn co' nzi tee ban lique' xal ñibe'pe' Xpii Natú' che'n Diox loo mèn par li mèn, mèna nac xin'pe' Diox.

Na' nanee no nonle' na' le' mèn co' ante nzi tee ban li xalque' nac con' ye'rsin' co' ndli ndyub yo'f lezo' mèn ndli mèn, con'a nacpe' co' ndli mèn xal ndryo' ndlyen' lezo' mèn. Per mèn co' ndoo lezo' nzi tee ban xal ñibe' Xpii Natú' loo mèn, mèna ndlipe' ante con' co' ñibe' Xpii Natú' loo mèn li mèn.

Hui' gu' nexa. Ne' ne' mcà Diox mquée yalguth loo xgan'pe' Diox por cón che'n na'. Ndxe'leque', Diox mda' lugar mquée yalguth loo xgan' Diox por cón che'n xquin ryete na' no xtol ryete na'. Chele'i tataa ngòc, ¿xalte mod ne'li Diox par que no na' ryete con' co' naquin na' nalle' por cón che'n Crist, à'? Lique' Diox par gàca loo na', yey.

Leque yub Xpii Natú' ndlu' loo na' no nda' Xpii Natú' cuent loo na' cón che'n leque con' co' nden' na' le'n lezo' na' le' na' nac xin'pe' Diox. Por nac na' xin'pe' Diox, gàc che'npe' na' ryethe con' co' mxèn' Diox no ryethe con' co' nac che'npe' Diox, con' co' mcàbgòn Diox gàc che'npe' na'. Thidte gàc che'npe' na' con yub Tad Crist ryethe con' co' mxèn' Diox no co' nac che'npe' Diox. Chele' loo na' gàc ngòc nguàal con' por cón che'n Crist nalle' xal mbli mèn ngòc nguàal con' loo Crist, loo na', ne, gàc con' roo con' xèn yiloa xal ndxàc con' roo con' xèn loo Crist nalle'.

Mèn co' ante ndoo lezo' li mèn con' co' ndyub yo'f lezo' mèn li mèn co' nac cón che'n xab izlyo', mèna nac ngolo ngola's che'n Diox. No ndxòo xyàn lezo' mèna ñèe mèna cón che'n Diox co'se' ndxòn mèna cón che'n Diox. Tac ne' ne' indlya's mèna tyal mèna tyubdi's mèna loo Diox. No ne' ne' gác mèna ta' mèna lugar ñibe' Diox loo mèna.

Ryete con' co' mxèn' Diox loo izlyo' nzi bed no nzi quee lezo' axta co'se' zin huiz no zin ze lu' Diox mèn co' nac xin' Diox loo taamas mèn, lìcque', nac mèna xin'pe' Diox.

Na' nanee no non na' axta nalle' be' ndyactìi rye loothe con' co' mblec Diox no co' mxèn' Diox xal ndxàca loo thìb xa'got co' nden' yalnè co'se' ndub tan xin' xa'got.