Popular Bible Verses from HEBREOS 8

Share

Tac huiza lyat lezon ñèen mèn co' inzii que teede nalì loon. Le' sya, cón che'n xtol mèna ya ne'tolode te' lezon, ndxab Diox.

Cona, tolo ndxab Tad Diox: Con' ndxè' nac conveñ cub co' lin loo mèn nación Israel co'se' yilo riid huax huiz. Daa li par yaa'd di's co' ñibe' ley daa yéc mèn no lezo' mèn nación Israel. No lin par ten' mèn nación Israel di's, co' nee di's, cón che'n ley daa le'n lezo' mèna. Le' sya, gàc daa Dioxpe' mèna. No mèna gàc mèn nacionpe' daa, ndxab Tad Diox.

Ndxab Diox, ne: Yende chó gu' lu' loo thìb xtàa gu' no loo tedib xtàa gu' no nec thìb gu' lu' loo huespe' gu' par gab gu' na: Blibe' gu' Tad Diox. Tac ryete mèn libe'que' daa axta myen' bix no axta mèn gox.

Diox mbyoo mèn co' mque no ner conveñ. Ndxab Diox: Hui' gu' nexa. Nde zin'le' huiz lin thìb conveñ cub loo mèn nación Israel, co' nee di's, loo mèn co' nac mèn yèezya' che'n làaz mèn israel no loo mèn co' nac mèn yèezya' che'n làaz mèn jude.

Pues cón che'n con' co' nac más con' roo con' xèn co' mdoodi'sle' nu' loo gu' nac con' ndxè': Le' na' ngue nole' thìb nguley' roo thìb nguley' xèn. Nguley'a nduble' cuat Diox co' nac Diox roo Diox xèn loo bé'.