Popular Bible Verses from HECHOS 5

Share

Sya, mcàb Pedr con taamas myen' co' ndxàc xtàa Pedr loo mèna. Ndxab myen': ―Yende xàa. Ndxàalque' más tyubdi's nu' loo Diox leque tyubdi's nu' loo mèn co' lya's ñibe' yèe loo nu'.

Per mastale' tataa ngòca loo myen' xin' mté'th Jesús co' ndxe' di's che'n Jesús, ne'nglá'de myen' par tolo mdoodi's myen' no par tolo mblu' myen' cón che'n Jesús ryete huiz, que naca le'n templ, que naca liz por liz mèn.

Per Xpii Natú' mbli par non Pedr con' mbli ryop sa'l Anani. Sya, ndxab Pedr loo Anani: ―Anani, ¿chonon mbla'l mbli Mebizya par toxcua'l yalgutyè' loo Xpii Natú' co'se' naneel le' lùu xexte mxen ndxep tmi co' mtho'l xyònla, à'? ¿Ché' inacte yòo bte'f xyònl par ñibe'l xyònl ndoore' tho'l xyònl, cà'? No ¿ché' ne'ngàcte che'nl tmi co' mtho'l xyònl par ñibe'l tmia, cà'? Yende chó ñibe' yèe loo ryop sa'l gu' par ta' gu' rye tmi co' mtho' gu' xyòn gu' loon. ¿Chonon mblil xtùuz par xexte mcaslool ndxep tmia, à'? Lùu mblya's nquedìil mèn por mtoxcual yalgutyè'a. Per ndxe'leque', loo Diox mtoxcual yalgutyè'. Co'se' mbìn Anani tataa ndxab Pedr loo Anani, ale, chàa, ngulàa Anani loo yòo. Nguth Anani. Le' ryete mèn co' gunèe no co' mbìn cón che'n con' co' ngòc loo Anani, ryete mèna anze'f mzyeb.

Cona, ngue niin loo gu': Más huen blá' gu' myen' ba' no ne'la's rode gu' cón che'n myen' ba'. Tac chele' con' co' nac cón che'n myen' ba' nac xal cón che'n chol mèn loo izlyo', le'i lyuxque', yey. Per chele' con' co' nac cón che'n myen' ba' nac cón che'n Diox, pà li gu' gan loo myen' ne'que tee lide myen'a. Chó Diox chó nee gu' ne' ne' ngue cua'n xó' gu' co' nac cón che'n Diox.