Popular Bible Verses from HECHOS 14

Share

―Ryete gu' co' nziri' trè', ¿chonon tatua' ngue li gu', yey? ¿Ché' iñeede gu' nu' nac mèn xalque' gu'? Ihuente ngue li gu' tatua' loo nu', cara. Ndxe'leque', por cón che'n con' co' nac xal ndli gu' ba' nde nu' loo gu' par lu' nu' loo gu' ndxàal lá' gu' costumbr co' yende cón ndli no co' yende cón ntac loo Diox. Nde lu' nu' loo gu' más huen thìb lìte yòo gu' loo cón che'n thidte Diox co' naban, Diox co' mblec be', no co' ngue tèn' bé', no izlyo', no níttó', no rye loothe taamas con' co' nzo loo bé', no co' nzo loo izlyo', no co' nzo le'n níttó'.

Mbi'a xèe mdub yòn xal nac di's co' mdoodi's Pab loo mèn. Le' Pab na, xèeguè' ngue hui' loo mbi'. No ñee Pab no mden' Pab le' mbi' ndxela's loo Diox le' Diox gác li par yac mbi'. Sya, cabii ndxab Pab loo mbi': ―Goo too, ey. Fteyez niil. Sya, chàa, nguát mbi'. Ngo too mbi'. No mtlo mbi', mdee nii mbi'.

No mbli Pab ryop Mbèl' par ngure thìb ned mèngool co' tyoo ner no co' tyoo naa loo mèn co' nqueltàa loo cón che'n Diox chol lugar par le'n rye yèeza. No co'se' ngolo ngurez Pab Diox con Mbèl' no be' xlat Pab con Mbèl', mna'b Pab ryop Mbèl' loo Diox quenap Diox mèna tac mèna ngola's loo Diox por cón che'n Jesucrist.