Popular Bible Verses from Matewu 7

Share

“Kumbilani mowopiwa, shakani mowowana, kokodzani mowozhuligwa.

Ngobe mmwe ne mmwe unokumbila unopiwa na iye unoshaka unowana, kakale na iye unokokodza, unowozhuligwa.

“Ndizo mmwe ne mmwe unohwa matama angu iyawa kaalondolodza unofanana ne nlume wakatjenjela wakabaka ng'umba iye pezhugwi kwe bgwe.

“Tjimwe ne tjimwe tjamunoyemula kuti bamwe bamuyitile itjo, mubayitile itjobo, ngobe oyu ndiwo nlayo ne balebesambeli.

Koga nkoba wakamanikana ne zila inolema inoyenda ku butjilo, ndizo banoiwana bashomanana.

“Nginani nge nkoba wakamanikana, ngobe nkoba wakashatha ne zila yakazhuka inoyenda ku golomodzo ngono banongina ndiwo banji.

Apa imwi nenguba muli babi muziba kupa bana benyu zwipo zwakanaka, kukulu seni kwa Tate benyu ba kudzimu kwabanowobapa zwipo zwakanaka ibo banobakumbila kene!

“Musisumikilise, kuti ndizo musisumikilisiwe. Ngobe nge zila yamunosumikilisa bamwe ndiyo, namwibo mowosumikilisiwa ndiyo, nge tjilizanyo tjamunolizanya nditjo mowolizanyigwabo nditjo.

“Koga mmwe ne mmwe unohwa matama angu iyawa kasialondolodze unofanana ne nlume we tjilengwe wakabaka ng'umba mu nsetje.

Ini una hanya nge lubatsha gumu zhisho le ikamu tjitjo ngono ushayila hanya guni limu zhisho lilo kene? Apa ungadwa ikamu tjitjo tjini uti, ‘Ima ndiduse lubatsha mu zhisho lilo,’ koga kuna guni muna lilo zhisho kene?

“Tjenjelelani balebesambeli be manyepkhwa. Banozha kumuli bakaambala makukuta e pkhwizi, koga mukati bali phele dzina bushongola. Mowobaziba nge zwizwalo zwabo. Apa zhambi dzotjegwa mu mihwa kene, kene phaya mu zwishosho?

Sa ikoko nti mmwe ne mmwe wakalulwama unozwala zwizwalo zwakalulwama ne nti wakabipa unozwala mitjelo yakabipa.

Nti wakalulwama aungazwale mitjelo yakabipa, kakale nti wakabipa aungazwale zwizwalo zwibuya.

Nti mmwe ne mmwe usingazwale zwizwalo zwakalulwama unotemiwa ukalashigwa mu moto.