Popular Bible Verses from Matewu 24

Share

Nge kuwanda kwe matjinyo, ludo gwe banji gowotothola. Koga iye unowodzikitadza kunoti ku bupelo ndiye unowotjidziwa.

Ngono ndebo mbuya iyeyi ye bushe inowosumikigwa mu shango yose, guli butendeki mu zwitjaba dzose, ndizo ipapo bupelo gowozha.

Mowohwa ngekwe ngwa kose ne makwayi e ngwa, koga itani kuti musipaluke moyo. Zwithu izwezwi zwakajalo zwakafanila shingikala, koga bupelo gutjawozha.

Itjaba tjowomukila itjaba ne bushe gukamukila bushe. Kowobe yapo bhamba ne kutengenyeka kwe shango mu magalo akasiyana. Zose izwezwi zofanana ne kutangisa kwe zwibhayo zwe thumbgwa.

Zhuzhugwi ne pasi zowopinda koga matama angu anowosala.

Banji banowozha nge zina langu beti, ‘Ndimi Mesiya,’ ngono banowodzimidza banji.

“Ipapo mowosungisiwa kunohwisiwa zogwadza mukabulawa ne zwitjaba zose zowomubenga ngekwe zina langu. Mu tjibaka itjetjo banjinji banowowa mu kugalamoyo kakale banowongana kakale bakabengana. Ne balebesambeli be manyepkhwa banjinji banowobe yapo bakadzimidza bathu banji.

Jesu kabashandula eti, “Ibeni ne njele kuti mmwe asitongo mudzimidza.

Ndizo namwibo galani makazwilulwamisa, ngobe Nkololo we Nthu unowozha nge tjibaka tjamusakakumbula.

“Ndizo galani makalindila, ngobe amutoziba kuti She wenyu unowozha mu zhuba lipi.

“Akuna unoziba ngekwe zhuba ilelo kene tjibaka itjetjo, kene bali ibo batumwa be kudzimu, kene iye Nkololo kuzhe kwa Tate boga.

Bomesiya be manyepkhwa ne balebesambeli be manyepkhwa banowobe yapo bakayita zwilakidzo zwikulu ne matjenamiso makulu kudzimidza na ibo bashalugwa ha kwabe kutubuka.

Sekwa kwakabe kuli iko mu misi ya Nuwa, kowobe sa ikoko pa kuzha kwe Nkololo we Nthu. Ngobe mu misi iyeyo, nkubila usathu ukabe yapo bathu bakabe beja, beng'wa, belobola, belobodza, kunoti mu zhuba Nuwa laakangina mu n'goro. Bakabe basingazibe tjimwe kudzina nkubila uzha ubatola bose. Ndiko sekwa kunowobe iko pa kuzha kwe Nkololo we Nthu.