Popular Bible Verses from Matewu 15

Share

Koga tjinodwa mu nlomo tjodwa mu moyo, ngono nditjo tjinothama kuti nthu atemapale. Ngobe mu moyo kobhuda mikumbulo mibi, kubulaya ne bupombgwe ne kuwalilana ngubo kuzhe kwe ndobolo ne bubava ne manyepkhwa ne kutjinya bamwe mazina.

Tjinongina mu nlomo we nthu ate itjo tjinonthama kuti asibe mbuyanana kwaangasanamata Ndzimu, koga tjinobhuda nge nlomo, itjetjo nditjo tjinonthama kuti atemapale.”

“ ‘Bathu ibaba banondilumbidza nge nlomo koga, koga mimoyo yabo ikule nami. Banondithigamilila suli, ngobe banodiya milayo ye bathu se banodiya nlayo wangu.’ ”

Ipapo Jesu kanshandula eti, “Nkadzi, kukulu kugalamoyo kuko! Yemulo iyo yashingikala.” Ngono nkololokadzi uwe kapodziwa nge tjibaka itjetjo.

Nkadzi iwoyo kazha kathigama mbeli kukwe kati, “She, mundibhatshe!” Kadabila eti, “Akuzolulwama kuti zojiwa zwe bana zwitogwe zwiposegwe mbgwa.” Nkadzi iwoyo kati, “Ee, She, koga na idzo mbgwa dzoja mamburumburu anowa edwa mu tafuli ya tetshi wadzo.”