Popular Bible Verses from Matewu 11

Share

“Izhani kundili imwi makanyala kakale munolemegwa, ndowomunyalulusa.

Muzwitilike jokwi langu muzwidiye mundili, ngobe ndina moyo nnyolo ne kuzwiyisa pasi ngono mowozwiwanila kunyaluluka.

Ngobe jokwi langu lilelu ne ntolo wangu nlelu.”

“Zwithu zose zwakapiwa imi ndi Tate bangu. Akuna unoziba Nkololo kuzhe kwa Tate, kakale akuna unoziba Tate kuzhe kwe Nkololo na ibabo Nkololo baanoshaka iye kubabudza kuti na ibo babazibebo.

Jesu kadabila eti, “Yendani munobikila Johani tjamunohwa nenge tjamunobona. Mapofu anopofunuka, zwilema zoyenda, banogwala mapele banopodziwa, mabhubuzebe anohwa, bafi banomusiwa ne ndebo mbuya inosumikigwa ku bashayi.

Iye una zebe dze kuhwa, ngaahwe.