Popular Bible Verses from Malaki 3

Zhisani tjebugumi tjizhele mu dula kuti ndizo kube ne zojiwa mu ng'umba yangu, ngojalo mundilike mubone kene ndisingo womuzhulila mafesitere e kudzimu amutebulila makombolelo manjinji amunowosheta ne pamungaabiganya. Koleba Yahwe Masimbawose.

Ndowotjemela phashu kuti dzisije zwidzwalo zwenyu ne mizhambi yenyu mu minda inowozwala. Koleba Yahwe Masimbawose. Ipapo njudzi dzose dzowomudana bakakombolegwa ngoti shango yenyu inowobe shango yakashatha. Koleba Yahwe Masimbawose.

“Banowobe bangu. Koleba Yahwe Masimbawose. Banowobe bashalugwa bangu mu zhuba landinowobe nditola thambo, ngono ndowobatjidza se nlume etjidza nkololo uwe unonshingila. Ipapo mowobona kakale kuthubukana pakati kwe balulwami ne babi, pakati kwe unoshingila Ndzimu ne usingaushingile.”

“Bonani, ndotuma ntumwa wangu kululwamisa zila mbeli kwangu, ngono She wamunoshaka unowozha tjinyolotjo ku Ng'umba iye. Ntumwa we tjidumano wamunoshathila, tjoselele unozha. Koleba Yahwe Masimbawose.