1
Isaya 6:8
BHAIBHILI Yakayengemala
KBTP
Ipapo ahwa hwi la She beti, “Ndiyani wandinowotuma? Ndiyani unowotiyendila kene?” Ngono ashandula nditi, “Ndipano. Munditume!”
2
Isaya 6:3
Ngono bakabe belebesana beti: “Bakayengemala, bakayengemala, bakayengemala, Yahwe Masimbawose Shango yose izhele tjedza tjabo.”
3
Isaya 6:5
Ngono alebeleka nditi, “Yee mme wee! Imi ndapela ngoti ndi nthu una milomo isingalebe tjibuyanana, ndogala pakati kwe bathu basina milomo inoleba tjibuyanana ngono mesho angu abona Mambo, Yahwe Masimbawose.”
4
Isaya 6:1
Mu gole lakafa Mambo Uziya, ndakabona She bali gele pa tjigalo tje bumambo, tjilefu tjakamilidzika, ndzibo we hazu yabo uli zhele mu Ng'umba ye Ndzimu.
5
Isaya 6:7
Kakutha milomo yangu ndilo ngono kabe eti, “Bona, simbe ileli lakutha milomo iyo, nlandu uwo wadusiwa ngono wazwiibhatigwa zwibi zwizo.”
6
Isaya 6:2
Pezhugwi kwabo kwakabe kuna zwibumbiwa zwe kudzimu zwinoyi Serafu. Mmwe ne mmwe wabo ana mapapilo ali kutathatu. Mapapilo mabili ali aanozwimba buso nawo, mabili ezwimba makumbo nawo, mabili ewuluka ndiwo.
7
Isaya 6:6
Ipapo mmwe we dziserafu kawulukila kundili akabhata simbe le moto linopisa laakadusa mu moto umu tjibeso tjinopisigwa zwibhayilo.
8
Isaya 6:9
She bakabe beti, Yenda unodwa bathu ibaba uti: Kene mukahwilila kungapani, amungahwisise. Kene mukalingisisa kungapani, amungapedzisise.
9
Isaya 6:10
“Kukutadza moyo ye bathu ibaba, uthame zebe dzabo dzisihwisise, upofupadze mesho abo. Bangadwa bebona nge mesho abo, behwa nge zebe dzabo, behwisisa nge moyo yabo bebe beshanduka bepodziwa.”