Popular Bible Verses from Isaya 43

Bonani, ndabe pejo ngothama tjithu tjitshwa, ngono tjoshingikala kale, amutotjibona kene? Ndowozhula zila mu tjilambanyika ne njizi mu shango yakawoma.

Unowoti upalama vula, ndowobe nawe, kene utjuluka njizi adzitowokusenga. Ha upalama moto awutowokupisa, mithuto yawo ayitowokupisa.

“Musialakane zwithu zwe kutanga, kene kukumbula zwithu zwa ntolo.

Ngono ngwenu yetji nditjo tjinolebgwa ndi Yahwe, ibo bakakubumba iwe Jakubo, ibo bakakuthama iwe Iziraela bakati, “Usitje, ngoti ndakakudzutunula, ndakakudana nge zina, iwe uwangu.

Se udika kundili kakale ukudziwa, kakale ndikuda, ndodusa bathu mu tjimo tjitjo, ndokutenganya ne zwitjaba kuti utjile.

Ngoti ndimi Yahwe, Ndzimu uwo, ndi Wakayengemala we Iziraela, Ntjidzi uwo. Ndodusa Egipiti se tjidzutunulo tjitjo, ne Etopiya ne Seba ndobatenganya nawe.

Usitje, ngoti ndinawe, ndowodusa bana babo kudwa ku bhezhuba, ndowobakubunganya ne kudwa ku golombedzo.

Imi, ndimi tshumula matjinyo enyu nge kwangu, kakale andingakumbule zwibi zwenyu.

Imwi mu batendeki bangu, kojalo Yahwe ne nlanda wangu wandakashalula, kuti muzibe mugalemoyo mu ndili ne kuhwisisa kuti ndi iye. Akuna ndzimu mmwe wakatongo bepo mbeli kwangu, naiko akuna unowobepo shule kwangu.

Imi, ndimi Yahwe, kuzhe kwangu imi akuna ntjidzi.

Ndi Ndzimu ne kuyenda mbeli ndowogala ndili iwo. Akuna ungasunungula umu maboko angu, tjandinothama akuna ungatjibgwiliza shule.

Phuka dze shango dzowondikudza, phungubgwe ne fukumudzi, ngoti ndodzipa vula mu tjilambanyika, ne njizi mu shango yakawoma, kupa bathu bangu, bashalugwa bangu, vula kungwa. Bathu bandakazwibumbigwa, kuita kuti bandikudze.

Ku bunandzwa ndowoti, ‘Ubazhise.’ Burwa ndowogudwa ati, Usibabhatilile. Zhisani bakololo bangu kudwa kule, ne bakololokadzi kudwa ku ndzibo we shango. Mmwe ne mmwe wandakadana nge zina, wandakabumbila gudzo langu, wandakabumba kakale athama.”

Yahwe banolebeleka, ibo banozhula zila mu gungwa, banozhula zijana mu vula dzina masimba, ibo banokunda koloyi dze ngwa ne mbizi, ngwa ne babhayani, banowila pasi, bakasitongo muka kakale, kobe kwapela ku bali, bakanga luvone gwadzimiwa.

Ndimi Yahwe, ndi wenyu Wakayengemala, mbumbi we Iziraela, mambo wenyu.”