Popular Bible Verses from Matama 8

Share

Ukumbule Yahwe Ndzimu uwo ngoti ndibo banokupa simba kuti uwane fumwa kuti bathumbidze tjidumano tjabo tjabakathama nge kutuna kuna bobatategulu babo sekwa kuli iko mu zhuba ileli.

Bakakuyisa pasi bakakuletja ukafa ne zhala bakakupa mana zwili zojiwa zwawakabe usingazibe na bobatategulu babo abazotongo zwiziba bakabe bethamila kuti bakuthame uzibe kuti nthu aatotjila nge zojiwa zoga, koga kuti nthu unotjila nge tjimwe ne tjimwe tjinodwa mu nlomo wa Yahwe.

Ngono ukumbule zila yose Yahwe Ndzimu uwo yabakakutungamila makole iyawa ali makumi manna (40) mu tjilambanyika bekuyita kuti ube unozwiyisa pasi, kukulika kuziba kuti tjimu moyo uwo ini, kene unowolondolodza milayo yabo kene aa.

“Uyele njele usitongo zwidwa mu moyo ukati, ‘Simba langu ne matatabuko angu akandiwanila fumwa iyeyi.’ ”

“Ibe ne njele usidwe ukangang'wa Yahwe Ndzimu uwo nge kusalondolodza milayo yabo iyo yandinomupa mu zhuba ileli

Ngwenu wali ziba mu moyo uwo kuti se nlume elaya nkololo uwe, Yahwe Ndzimu uwo unokulaya.

Unowoja ukaguta ngono ukakudza Yahwe Ndzimu uwo ubakudzila shango mbuya yabakupa.”

Ndizo ulondolodze milayo ya Yahwe Ndzimu uwo nge kuyenda mu zila dzabo nge kubatja.

Bakakupa mana mu tjilambanyika zojiwa zwisakatongozibgwa ndi bobatategulu babo, bakathama kuti uzwiyise pasi, bakakulika kukuthamila bubuya kubupelo.”

usitongodwa uti waja waguta ngono wabaka ng'umba dzakanaka ngono ugala mudzili ne ng'ombe dzidzo ne ngubi dzidzo dzawanda, siliva iyo ne golide iyo, kose kwaunako kwawanda, ipapo moyo uwo uzwikudza ube ukangang'wa Yahwe Ndzimu uwo iwo wakakudusa mu Egipiti, mu ng'umba ye busungwa.

Ngoti Yahwe Ndzimu uwo unokuzhisa mu shango mbuya, shango ye wobana dze vula, ye misenya ne madziba anodwilila ewunga mu mikuku ne mu matuthu, shango ye koroni ne bhali ye mikumbi ye zhambi ne mipaya ne pomegiranate, shango ye mitoba ne butji, shango yaunoja zojiwa zwisingatongo sheteka, yausingosheta tjimwe muili, shango ina mabgwe e butale, mu matuthu ayo unowotsha khopa.

“Milayo yose yandinomupa nasi mube ne njele kuyilondolodza kuyita kuti mutjile muwande, mungine mutole shango Yahwe yabakatuna kuyipa bobatategulu benyu.

Zwiambalo zwizo azwizo kushakalila ne makumbo awo aazotongo zwimba mu makole iyawa ali makumi manna (40).

Bakamutungamila mu tjilambanyika tjikulu tjakabangalala tjina nyoka dzakabangalala ne phani na pasi pakawomelela pasina vula, ibo bakakuzhisila vula kudwa mu shongwe yakasima.