Popular Bible Verses from Matama 4

Share

Koga kudwa ikoko mowoshaka Yahwe Ndzimu wenyu ngono mowobawana ha mubashaka nge mimoyo yenyu yose nenge meya yenyu yose.

ngoti Yahwe Ndzimu wenyu Ndzimu una ngoni, abangamulashe kene kuli kumulobesa kene kukangang'wa tjidumano tjabakatuna kuna botate benyu.

Kana Yahwe Ndzimu moto unopisa, Ndzimu una fupa.

Yelani njele koga mulondolodze meya yenyu nge njele kuti musitongokangang'wa zwithu zwakabong'wa nge mesho enyu ngono zwidwa zwibhuda mu mimoyo yenyu mazhuba wose e butjilo gwenyu. Muyidiye bana benyu ne bana be bana benyu.

Ndizo zibani muna ileli zhuba ngono mukulonge mu moyo wenyu, kuti Yahwe ndibo Ndzimu pezhugwi kudzimu na pasi mu shango, akuna mmwe.

Ndigupi ludzi bukulu guyapo guna ndzimu upejo nago sa Yahwe Ndzimu bali pejo naswi tjibaka ne tjibaka ha tibadana?

Mowoti muli mu buyendasi, zwithu izwezwi zwimuwila mu mazhuba ambeli, mowoshandukila kuna Yahwe Ndzimu wenyu mukahwa hwi labo

Musitongo paphidza dama landamudwa kene kudusa tjimwe mulili kuyita kuti ndizo mulondolodze milayo ya Yahwe Ndzimu wenyu yandinomudwa.