Popular Bible Verses from Daniyele 2

eti, “Kudzani zina le Ndzimu nge kusingapele, ngobe butjenjedu ne simba nde zwabo! Ndiwo unoshandula zwibaka ne misi, unobiga bomambo mu bushe ukadusa bomambo mu bushe, ndiwo unopa butjenjedu kuna bakatjenjela. Ndiwo unozumbunula zwakasumbikala, unoziba zwakasumbikala mu zhalima ndiwo wakabhata tjedza.

Daniyele kashandula eti, “Akuna we be malipa kene ng'anga kene sangoma ungatjenesa mawoloto iyawa amunobhuzwa nge kwawo, koga kuna Ndzimu ukudzimu unotubula zumbunula makaabadzo. Ndiwo walakidza Mambo Nebukadineza kuti kowoshingikalani mu mazhuba anozha. Mawoloto ne mbono dzamakabona mulilele mu bulalo gwenyu ndi edzi

Ngono kowoti mu tjibaka itjetjo tja bomambo ibabo Ndzimu we kudzimu unobamba mbuso usitongoti ulipo ukakolomogwa kene kuli kutogwa nge bamwe bathu. Unowokunda mibuso iyeyo yose ukailobesa, koga iwo unowogalila tjatjose.