Popular Bible Verses from 2 Batesalonika 2

Kushaye unomutjebela nge imwe zila, ngobe zhuba ilelo alitowozha kudzina kupanduka kuzha, na iye mbiimbi ezumbunugwa, iye wakabigigwa kuloba.

Koga takafanila kuboka Ndzimu misi yose nge kwenyu zwikamu zwinodiwa ndi She, ngobe kudwa tjose mu kutangisa, Ndzimu wakamushalulila kutjidziwa nge nshingo we Meya inoyengemadza nenge kugalamoyo kwenyu mu malebeswa.

Unowonyanyayidza, kazwibiga pezhugwi kwe tjimwe ne tjimwe tjinodang'wa kuyi ndzimu kene tjinothigamigwa, naiko unowozwibiga pezhugwi mu Ng'umba ye Ndzimu, ezwidana eti Ndzimu.

Dzene tshene She wedu Jesu Kirisiti nge kukwe ne Ndzimu Tate bedu, ibo bakatida, kakale bakatipa nyaladzo isingapele ne kugalabgwe kwakalulwama nge ngoni dzabo, dzene bangadwilila bakasimisa mimoyo yenyu, mu nshingo mmwe ne mmwe wakanaka nenge dama lakanaka.

Ngekwa ikoku Ndzimu unobatumila tjidzimilabgwe tjikulu kuti ndizo bagalemoyo mu manyepkhwa

Kuzha kwe mbiimbi kowobe kuli kushinga kwa Satani, iye uno shingisa masimba akasiyana siyana nenge zwilakidzo ne matjenamiso e manyepkhwa, nenge bubi gose gwakasiyana siyana gwe butjakwani gunotjebela ibabo banowoloba, ngobe bakalamba kuda malebeswa kuti ndizo batjidziwe.

Ngobe simba gulu biibi lakasumbikala loshinga kale, koga lowozumbunugwa ha iwoyo wakalibhata adusiwa mu zila.