1
ISAIAS 53:5
Chol: I T’an Dios
Pero tsa' jejq'ui cha'añonla cha'an tsa' lac ñusʌbe i mandar Dios. Tsa' jajts'i cha'an lac mul. Tsi' yubi tojmulil cha'an mi' yʌq'ueñonla i ñʌch'tʌlel lac pusic'al. Lajmesʌbilonla cha'an tsa' yʌx'a i bʌc'tal. Tsi' bajbeyob ti asiyal.
Compare
Explore ISAIAS 53:5
2
ISAIAS 53:6
Ti pejtelonla tsa' sajtiyonla che' bajche' tiñʌme'. Tsa' lac bajñel yajca lac bijlel ti jujuntiquilonla. Lac Yum tsi' yotsa ti' wenta cha'an mi' toj lac mul.
Explore ISAIAS 53:6
3
ISAIAS 53:4
Isujm tsi' cuchu lac wocol. Tsi' cuchbeyonla i ch'ijiyemlel lac pusic'al. Tsa' lac lon ña'ta Dios woli' yʌq'uen i toj i mul.
Explore ISAIAS 53:4
4
ISAIAS 53:3
Ts'a'lebil ti winicob x'ixicob, cʌybil ja'el. Cabʌl tsi' yubi ch'ijiyem bʌ yic'ot wocol. Tsa' lac mʌyʌ lac wut cha'an ma'anix mi lac chʌn q'uel. Che' ts'a'lebil jini winic ma'anic tsa' lac p'isi ti wenta.
Explore ISAIAS 53:3
5
ISAIAS 53:7
Tsa' tic'lʌnti, tsi' peq'uesa i bʌ. Ma'anic tsi' cha'le t'an. Tsa' pʌjyi ti tsʌnsʌntel che' bajche' alʌ tiñʌme'. Ñʌch'ʌl che' bajche' tiñʌme' ti' tojlel jini mu' bʌ i tsepben i tsutsel. Ma'anic tsi' cha'le t'an.
Explore ISAIAS 53:7
6
ISAIAS 53:10
Anquese tsa' tic'lʌnti ti' c'ʌb winicob, che'ʌch yom i pusic'al lac Yum. Lac Yum tsi' yʌq'ue i yubin ch'ijiyem bʌ. Che' bʌ tsa'ix i yʌc'ʌ i bʌ ti chʌmel i wenta tsʌnsʌbil bʌ i majtan Dios cha'an mi' toj mulil, mi caj i q'uel i p'olbal. Cuxul mi caj i yajñel ti pejtelel ora. Ti' caj i ye'tel mi caj i yujtel ti uts'at chuqui yom lac Yum.
Explore ISAIAS 53:10
7
ISAIAS 53:2
Tsa' coli ili Winic ti' tojlel Dios che' bajche' i buts i wi' te' mu' bʌ i pasel ti tiquin lum ba' mach wenix. Ma'anic bajche' yilal. Mach la comic laj q'uel. Che' mi laj q'uel jini winic, mach i t'ojolic mi laj q'uel. Ma'anic mi laj c'uxbin.
Explore ISAIAS 53:2
8
ISAIAS 53:12
Jini cha'an mi caj cʌq'uen cabʌl i ñuclel ti' tojlel winicob. Mi caj i yʌq'uentel i chobejtʌbal yic'ot jini p'ʌtʌlo' bʌ cha'an i tem cha'añob jach mi' majlel, come tsi' yʌc'ʌ i bʌ ti chʌmel. Tsa' ajq'ui ti toj mulil che' bajche' xñusa mandar. Tsi' cuchbeyob i mul cabʌlob. Tsi' c'ajtibe Dios cha'an mi' ñusʌbeñob i mul xñusa mandarob.
Explore ISAIAS 53:12
9
ISAIAS 53:11
Mi caj i taj i tijicñʌyel i pusic'al cha'an tsi' colta cabʌlob, cha'an tsa' mʌjli i cha'an che' bʌ tsi' yubi wocol. C winicʌch jini toj bʌ. Che' cʌmbilix i cha'an winicob mi caj i yʌc'ob ti q'uejlel ti toj, come i bajñel mi caj i cuchbeñob i mul.
Explore ISAIAS 53:11
10
ISAIAS 53:8
Tsa' tic'lʌnti, tsa' ñumi ti meloñel, tsa' pʌjyi majlel cha'an mi' yʌjq'uel ti chʌmel. ¿Majqui tsi' wis ña'ta mi woli' tsʌnsʌntel cha'an i mul c tejclumob? Tsa' ajq'ui ti wocol, tsa' jajts'i cha'an i mul winicob x'ixicob.
Explore ISAIAS 53:8
11
ISAIAS 53:9
Ma'anic tsi' cha'le jontolil. Ma'anic tsi' cha'le lot. Che' bʌ tsa' chʌmi tsi' mucuyob che' bajche' xjontolil ti mucoñibʌl i cha'an wen chumul bʌ.
Explore ISAIAS 53:9
YouVersion uses cookies to personalize your experience. By using our website, you accept our use of cookies as described in our Privacy Policy
Home
Bible
Plans
Videos