Popular Bible Verses from 2 REYES 6

Share

Eliseo tsi' cha'le oración: C Yum, camben i wut c winic cha'an mi' q'uelob, che'en. Lac Yum tsi' cambe i wut i winic Eliseo. Tsa' caji' q'uel, awilan joyolob ti cabʌl c'ajc. Che' yilal tac bajche' caballo yic'ot carreta, pam pujquem ya' ti wits.

Eliseo tsi' jac'ʌ: Mach a cha'len bʌq'uen, come ñumen cabʌlob jini mu' bʌ i coltañonla che' bajche' i yonlel laj contrajob, che'en.

Che' bʌ tsa' sʌc'a pañimil, tsa' ch'ojyi i winic Eliseo. Tsi' can q'uele pañimil. Awilan joyol jini tejclum ti soldadojob, yic'ot cabʌl caballo yic'ot carreta tac. Jini x'e'tel tsi' sube i winic Dios: ¡C yum! ¿Chuqui mi caj lac mel wʌle? che'en.

I soldadojob siriajob tsa' cajiyob ti xʌmbal tilel cha'an mi' yochelob ti Dotán. Eliseo tsi' cha' pejca lac Yum ti oración: C Yum, otsañob ti xpots' ili soldadojob, che'en. Che' jini lac Yum Dios tsi' yotsayob ti xpots' jini soldadojob che' bajche' Eliseo tsi' c'ajtibe.

I winic Dios tsi' c'ajtibe: ¿Baqui tsa' ochi? che'en. Jini winic tsa' majli i pʌsben baqui tsa' ochi. Eliseo tsi' tsepe junts'ijt te'. Tsi' choco ochel ba' tsa' yajli jacha. Ti ora jach tsi' ch'uyu letsel jini jacha ti ja'.

Che' woli' sec' te' juntiquil, tsi' t'ʌn colo i jacha. Tsa' pech yajli majlel ti ja'. C'am tsi' cha'le t'an jini winic. Tsi' yʌlʌ: C yum, tsa'ix yajli ochel jacha ti ja'. Mach c cha'anic, c majan jach jini jacha, che'en.

Eliseo tsi' sube: Ch'ʌmʌ ti ora, che'en. Jini winic tsi' ch'ʌmʌ.