Popular Bible Verses from 2 REYES 20

Share

Cucu ba'an Ezequías jini yumʌl bʌ ti' tojlel c tejclum. Suben: “Lac Yum, i Dios a ñojte'el David, woli' yʌl: Tsa'ix cubi a woración. Tsa'ix j q'uele ja'el i ya'lel a wut. Awilan mi caj c lajmesañet. Ti yuxp'ejlel q'uin mi caj a cha' ochel tic Templo.

Ezequías tsi' mʌyʌ i wut ti' ñʌc' bojte'. Tsa' caji i pejcan lac Yum ti oración. Tsi' c'ajti ti wocol t'an: Awocolic ña'tañon, c Yum. Xuc'ul tsac cha'le xʌmbal ti a tojlel ti pejtelel c pusic'al. Tsac mele chuqui uts'at ti a wut, che'en. Tsa' caji ti cabʌl uq'uel Ezequías. Wen ch'ijiyem i pusic'al.

Ti jim bʌ ora tsa' c'ama Ezequías. Colelix i chʌmel. Jini x'alt'an Isaías (i yalobil Amoz) tsa' c'oti i suben: Woli' yʌl lac Yum: “Mele chuqui anto yom melol ti a wotot, come mux caj a chʌmel”, che'en.

Mi caj c ñajtesʌbeñet a jabilel. Mi caj cʌq'ueñet yambʌ jo'lujump'ejl jab. Mi caj c wen coltañet yic'ot ili tejclum. Ma'anic mi caj cʌq'uetla ti' c'ʌb jini asiriajob. Mi caj c mel pejtelel iliyi cha'an i c'uxbintel j c'aba', cha'an c'ux mi cubin c winic David ja'el”. Che' tsi' yʌlʌ lac Yum, che'en Isaías.