Popular Bible Verses from 1 CRONICAS 16

Share

Sajcan lac Yum am bʌ i p'ʌtʌlel. Ñochtanla ti pejtelel ora.

Subenla wocolix i yʌlʌ lac Yum, come uts'atʌch. Come mach jilic i yutslel ti pejtelel ora.

Subenla wocolix i yʌlʌ lac Yum, pejcanla ti' c'aba'. Pucbenla i melbal lac Yum ya' ti' tojlel winicob x'ixicob ti pejtelel colem tejclum.

Ñuq'uesan la' pusic'al cha'an ch'ujul i c'aba' lac Yum. Yom tijicña mi' yubiñob jini mu' bʌ i sajcañob lac Yum.

Ña'tʌbenla i yejtal tac i p'ʌtʌlel, jini bʌbʌq'uen tac bʌ Tsa' bʌ i mele yic'ot jini t'an tsa' bʌ i yʌc'ʌ ti' contra egiptojob.

Cha'lenla c'ay ti' tojlel lac Yum. C'ʌyibenla i ñuclel. Subula pejtelel jini ñuc bʌ i melbal.

Come ñucʌch lac Yum, yom mi' wen sujbel i ñuclel. Yom mi lac wen bʌc'ñan Dios ñumen bajche' mi' bʌc'ñʌntelob dioste' tac.

Subenla i ñuclel i c'aba' lac Yum che' bajche' yom mi' subentel. Ch'ʌmbenla tilel i majtan, ochenla ti' pam i yotot. Ch'ujutesanla lac Yum ti sʌq'uesʌbil bʌ la' pusic'al.

Cabʌlʌch i c'uxbintel yic'ot i ñuclel ti' tojel i wut. I t'ojol jax jini ch'ujul bʌ i yajñib ba' mi' pʌs i p'ʌtʌlel.

C'ʌyinla lac Yum pejtelel añet bʌ la ti pañimil. Subula ti jujump'ejl q'uin bajche' mi' coltañonla.

Subula i ñuclel lac Yum ti' tojlel winicob x'ixicob ti pejtelel pañimil. Subula jini uts'at bʌ i melbal ti' tojlel pejtelel winicob x'ixicob.

Tsi' yʌlʌ: “Mach mi la' mʌctan jini yajcʌbilo' bʌ c cha'an, Mach mi la' tic'lan jini x'alt'añob c cha'an”, che'en.

Come dioste' jach pejtelel i dios tac winicob x'ixicob mach bʌ anic mi' cʌñob Dios. Pero lac Yum tsi' mele panchan.

Ti pejtelel ora ña'tʌbilix i cha'an i t'an tsa' bʌ i yotsa ti trato, Jini t'an tsa' bʌ i subeyob winicob x'ixicob yic'ot i yalobilob ti lajm ti lajm cha'an mi' chʌn ña'tañob ti pejtelel ora.

La' i yubin tijicña jini panchan, la' i yubin tijicña jini pañimil. Subula ti' tojlel jini sajtemo' bʌ: “Mi' cha'len yumʌl lac Yum”.

C Yum, la' ch'ujutesʌntiquet c'ʌlʌl ti pejtelel ora. I Diosetʌch israelob mach bʌ anic a cajibal mi a jilibal. Che' tsi' cha'leyob c'ay. Tsi' yʌlʌyob, Amén, pejtelel winicob x'ixicob. Tsi' subuyob i ñuclel lac Yum.

Ch'ujutesanla lac Yum pejtel winicob x'ixicob ti jujunmojtetla. Subenla i ñuclel yic'ot i p'ʌtʌlel.