Popular Bible Verses from Romê-na 8

Share

Ei wei ala kur ahlena pet Alona nga mi le sun nda djivid’a yam suma a nga le kam suma mi yazi woi kur min mambina.

Kayam an we tetet ala matna, d’oze arid’a, d’oze malaika suma tetengâ, d’oze suma te yam suma sä akulona, d’oze vama tchetchema, d’oze vama nga mbana, d’oze ad’eng nga tetenga, d’oze ad’eng nga teteng nga sä akulod’a, d’oze ad’eng nga teteng nga ad’u andagad’a kä d’a, d’oze vama ding ma Alona mi lum ma mba ndak á walei woi ki od’a hAlona d’a mi lat kei yam Jesus Christ Saleinid’a nga d’i.

Hina mi, Muzu’â hAlonina nga mi ndjuni kur amangeî meid’a. Kayam ei wei nga á tchen Alona ata yat tuo, wani Muzu’â tamba nga mi tchen Alona kei ki zam ta d’a sana mi ndak á dat tei d’uo d’a.

Ei mba dei nana yam zla ndata ge? Le Alona mi nga ki sed’eya ni, sama ndak á kak djangûna ki sed’ei ni nge ge?

Ki tchetchemba, suma a nga zlap tu ki Jesus Christ-sâ, sariya nga kazi d’i.

Suma a nga tit yam minda hi sa mazi ma adjeunid’ina a mba bo woyo, wani suma a nga tit yam minda hi Muzu’â hAlonina a mba kak karid’a ki b’leng nga halasa mi.

Wani ei kuzi yam ahle ndazina pet ni kayam mam ma mi le od’a keina.

An djib’er ala ndak mei d’a ki tchetchem wanda mba d’i ndjak ki subur ra Alona mba mi tageizi woid’a d’i.

Sama ndak á walei woi ki od’a hi Christ-sa ni nge ge? Ndaka, d’oze kid’eî ira, d’oze djop vuna, d’oze meid’a, d’oze hohoud’a, d’oze bad’a, d’oze matna zu?

Alo ma mi we hur sumina, mi we djib’era hi Muzu’îd’a, kayam Muzu’â nga mi tchen Alona yam sum mama kur minda hAlonid’a.

Kayam suma pet suma Muzu’â hAlonina nga mi tagazi lovotina, azi nAlona groma.

Kayam suma a nga tit bugol sa mazi ma adjeunina, a nga le ni minda hi sa mazi ma adjeunid’a, wani suma a nga tit bugol Muzu’â hAlonina, a nga le ni min mamba mi.

Mam ma mi d’el nga Goroma bei hed’a d’i, wani mi hum mbei á matna kei pet, ni nana ba, mi mba mi hei ahlena pet zlapa ki Goroma d’uo ge?

Muzu’â hAlonina tamba nga mi le glangâsâ kur muzugei ala ei nAlona groma. Ei nAlona groma. Hina wani, mba mi hei ahle suma djivi suma mi hle vunam kazi mi sum mamina zlapa tu ki Christ mi. Le ei nga fei ndaka zlapa ki Christ-zu ni, Alona mba mi suburi zlapa ki mam mi.

Suma a nga le minda hi sa mazi ma adjeunid’ina, ni suma djangûna hAlonina. Azi nga ge yazi kä ad’u gata hAlonid’a d’i, kayam azi ndak ki.

Kayam ahle suma pet suma Alona mi lazina a nga hat huruzi á djup bur ma Alona mba mi tak groma woina.

Kayam ei wei ala ki tchetchemba, ahle suma Alona mi lazina pet a nga zam taziya, a nga fe ndaka d’igi atcha d’a nga d’i fe ndaka á vutid’a na.