Popular Bible Verses from Romê-na 6

Share

Kayam wurak ka yam tchod’id’a ni matna, wani he d’a hawad’a hAlonid’a nari d’a didinda yam Jesus Christ Saleina.

Ar tchod’a ti te leud’a kagi d’i, kayam agi nad’u gata d’i, wani agi nad’u sumad’a hAlonid’a.

Kur batem meid’a, a tozei zlapa tu ki sed’em kur mat mama. D’igi Christ mi tchol akulo aduk suma matna karid’a kad’eng nga subura hAbumba na, hina mi, ei tid’i ni kur ari d’a awilid’a mi.

Ar agi hagi ir hliu tagi mi tchod’a d’igi ahle suma dur ayî suma d’ingêr ruo na na d’i. Wani ar agi hagi tagi mAlona d’igi suma a tchol akulo aduk suma matna suma mbut arid’ina na. Ar agi hagi ir hliu tagi pet mAlona d’igi ahle suma dur ayî suma d’ingêrâ na.

Kayam ei wei ala sa mei ma adjeuna a b’alam wa akulo ata aguna zlapa ki Christ á b’lak ad’enga hi hliwi ma tchona woyo. Hina, ei lei magomba mi tchod’a d’uo d’a.

Ar agi gologi tagi d’igi suma matna na ata tchod’a, wani d’igi suma a nga kaka arid’a yam Alona zlapa tu ki Jesus Christ-sâ na mi.

Kayam ndata, ei mba dei nana ge? Ei mba i avogovok kur tchod’a kayam sumad’a hAlonid’a ti zula zu? Nga na d’i! Ei suma boi woi ata tchod’ina, ei dok i avogovok kur tchod’a d’ei zu?

Agi wagi nga d’ala le agi gagi yagi kä á le sunda mi sa ni, agi mbud’ugi ni magumeina hi ma agi gagi yagi kä ad’uma, d’oze ni mi tcho d’a igi kur matnid’a, d’oze ni mi ge yam mba kä d’a igi kur d’ingêra avok Alonid’a zu?

Wani an le mersi mAlona, kayam me adjeu agi ni magumeina hi tchod’ina, wani ki tchetchemba, agi gagi yagi kä ki hur ma tuna d’igi hat ta a had’agizid’a na. Alona mi pad’agi woi kur tchod’a á mbud’ugi magumeina hi d’ingêrina.