Popular Bible Verses from Vama ndum mbeina 13

Share

Wana ni ned’a: Sama nga ki wad’ud’a, ar mi ndum nomrod’a hambur mámid’a; nomro ndata ni nomrod’a hi sanid’a. Nomro mamba ni kikis karagaya yam dok karagaya yam karagaya mi.

Suma yam andagad’ina pet a mba kud’uromu, nala, suma a b’irizi nga simiyêzi avok dei bei ad’u tinda hi duniyad’a kur mbaktum mba arid’a hi Gor timi ma a tchuma d’uo na.

Ambur máma, mi le suma kad’enga pet, nala, gugureina ki suma nglona ki suma ndjondjoîna ki suma houd’a ki magumeina ki gro vuta á b’ir vama simata yam bigazi d’a ndjufa d’oze avoroziya. Sama lara pî ma nga ki simiyê ambur máma d’oze nomro mamba d’uo na, mi ndak á guzî va d’oze mi ndak á guzï va woi d’uo mi.

Wani sama a ngam yam dangeinina, mba mi i kur dangeina; sama a ngam á tchid’a ki mbigeu d’a fiyakina, a mba tchum ki mi. Wana ni ve tad’a hi suma hAlona suma a he gagazid’ina.

Bugola, an we ambur ma dingâ kadifa dogo ki yamba kid’iziya, mi ndeï kur alum ma ngolâ. Avavala ti nga yam adif ma lara ge pet, simi ma ngul Alona mi nga b’ira kam akulo mi.

Alona mi aram lovota á dur ayîna ki sum mama mi kus kazi mi. Mi fad’enga yam andjafâ pet, yam suma pet, yam vun ma ded’a pet, yam andjaf suma lara ge pet mi.

Mi vit suma yam andagad’ina woi kahle mam suma atchap suma a humzi á led’a avok ambur ma avok mámina. Mi de mi suma yam andagad’ina á yor vana á subur ambur ma a kam yam mbilâ ki mbigeu d’a fiyaka mi tchilâ. Ambur ma mbà máma mi fad’enga á he muzuk ka arid’a mi vama a yorom ma ambur ma avok mámina, kayam va máma mi de zlad’a, mi ndak á tchi suma a min kud’urom mbuo na.

Ambur ma an wuma, mi hle tamî d’igi sindilâ na, asemî d’igi ursâ na, vunamî d’igi azlona na. Dragona mi hum ad’eng mamba, mi hum zla mam mba amula ki yam mam mba te d’a ngola mi.

Ambur máma, a hum vun ma de zla d’a subur tad’a á ngul Alona. Mi fad’enga á le hina gak tilâ dok fid’i yam mbà.

Ambur máma a kam yam mba tud’a mbilâ, mbil máma mi ndak á tchumu, wani mbil mam ma matna tchila. Suma yam andagad’ina pet a le atchap, a nga tit ad’u ambur máma.

Bugola, an we ambur ma dingâ mi ndeï kä aduk andagad’a kadifa mbà d’igi adifa hi gor timinid’a na, nga mi de zlad’a d’igi dragona na. Nga mi lahlena pet avok ambur máma kad’enga hambur ma avok mamid’a mi. Nga mi le suma yam andagad’ina kad’enga á kud’or ambur ma avok ma mbil mam ma matna mi ndak á tchum ba wani mi tchilâ.