Popular Bible Verses from Zla d’a d’ogolâ 15

Share

Zla d’a a hulongôt ded’a ki del la djivid’id’a, ti ve vun ayîna kä, wani zla d’a de d’a tchod’a ti tcholî ayîna akulo.

Le mandara Ma didina hat ni ned’a, ge yam mba kä d’a avok tua ba, subura mba ni bugolo.

Zla d’a djivi d’a ndavun sanid’a nagu ma harid’ina, wani zla d’a ata yat tuo d’a ndavun sanid’a ti b’la’î hur sana.

Le suma ablaud’a a ndjak nga vunazi yam va d’uo ni, nga hur máma mi b’la’î woyo, wani le suma de d’alâ a nga ablaud’a ni, a ndagam vunamu.

Sama mi nga ki furîd’ina iram mbi ni woi tchatreî, wani le sana mi nga kur ndaka ni, tam mbi tchu’î susub’ok mi.

Ma didina iram nga ata yina pet á gol suma asa’atna ki suma djivina mi.

Hotei ang kak sama houd’a á le mandara Ma didina, kal la ang kak sama ndjondjoîna ang kak kur djib’era burâ ki burîd’a.

Sama ayîna heîna nga mi tchol ki huneîd’a, wani sama le lilinga nga mi ve vun huneîd’a kä.

Sama d’ingêrâ mi djib’er djib’er tua ba, mi hulong zla d’a ded’a, wani suma asa’atna vunazi mi ya’î zla d’a tchod’a.